ស្ទឹងត្រែង៖មនុស្សម្នាក់រថយន្តវីហ្គោស៊េរីទំនើបមួយគ្រឿងរួមជាមួយគ្រឿងញៀនមួយគីឡូក្រា មត្រូវបានកម្លាំងអាវុធហត្ថខេត្តដឹកនាំផ្ទាល់ដោយ លោកឧត្តមសេនីយ៍ត្រី មេបញ្ជាការកងរាជអាវុហត្ថខេត្តលោកអៀង វ៉ាន់ឌី ស្ទាក់ចាប់បាននៅលើកំណាត់ផ្លូវជាតិលេខ៩ស្ទឹងត្រែង ព្រះវិហារ។
ជនសង្ស័យត្រូវបានកម្លាំអាវុធហត្ថខេត្តស្ទាក់ចាប់បាននៅលើកំណាត់ផ្លូវជាតិលេខ៩ កាលពីវេលាម៉ោង១២និង២០នាទីថ្ងៃត្រង់ថ្ងៃទី០៥ខែសីហាឆ្នាំ២០១៦ត្រង់ចំនុចជិតផ្លូវបំបែកចូលភូមិស្រែឬស្សីស្ថិតក្នុងភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង៕
លោកឧត្តមសេនីយ៍ត្រីអៀង វ៉ាន់ឌីមេបញ្ជាការកងរាជអាវុធហត្ថខេត្តបានឱ្យដឹងថាជនសង្ស័យដែលអាវុធហត្ថឃាត់ខ្លួនមានឈ្មោះវ៉ាន់ ឌីអូន ភេទប្រុសអាយុ៤៨ឆ្នាំ មានស្រុកកំណើត នៅភូមិផាបាំង ឃុំថ្មកែវ ស្រុកសឪមប៉ាងខេត្តស្ទឹងត្រែង។បខ្ខុប្បន្នមានប្រពន្ធរស់នៅ ភូមិហាស៊ីឃូន ស្រុកមឿងខូង ខេត្តចំប៉ាសាក់ ប្រទេសឡាវ។
លោមេបញ្ជាការបានបន្តឱ្យដឹងទៀតថាជនសង្ស័យជាមុខសញ្ញាដែលសមត្ថកិច្ចតាមប្រម៉ាញ់ខណៈដែលជនសង្ស័យបានបើករថយន្តម៉ាកវីហ្គោពណិ៍ស្ករ ពាក់ស្លាកលេខឡាវ៧៨៨៨ចូលតាមច្រកទ្វារអន្តរជាតិត្រពាំងគ្រៀល កាលពីថ្ងៃទី៣សីហា មកស្នាក់នៅសណ្ឋាគារមួយក្នុងខេត្តស្ទឹងត្រែង ដើម្បីធ្វើសកម្មភាព ។
លោកមេបញ្ជាការបន្តថាលុះព្រឹកថ្ងៃទី៥សីហា ក្រោយពីជនសង្ស័យទទួលបានគ្រឿងញៀនពីបក្សពួកគេ បានចេញដំណើរទៅធ្វើការមួយគ្រដោះដូរ ក៏ត្រូវបានកម្លាំងអាវុធហត្ថខេត្ត បើករថយន្តប្រាំទៅប្រាំមួយគ្រឿង ស្ទាក់ចាប់បានម្នាក់នៅចំណុចខាងលើ និងម្នាក់ទៀតបានរត់គេចូលព្រៃបាត់តែម្តង។
លោកបន្តថាក្រោយការស្ទាក់ចាប់រថយន្តឃាត់ខ្លួនជនសង្ស័យ សមត្ថកិច្ចអាវុធហត្ថ បានធ្វើការឆែកឆេរក្នុងរថយន្ត បានរកឃើញគ្រឿងញៀនប្រភេទមេតំហ្វេតាមីនម្សៅក្រាមពណិ៍សថ្លា(ICE)មួយកញ្ចប់ធំ ស្មើនិងគីឡូក្រាម និងបានបញ្ជូនជនសង្ស័យមកកាន់ទីបញ្ជាការកងរាជអាវុហត្ថខេត្តសាកសួរ។ ជនសង្ស័យបានឆ្លើយសារភាពចំពោះមុខសមត្ថថាខ្លួនមានស្រុកកំណើតនៅស្រុកសៀមប៉ាងហើយបានយកប្រពន្ធនៅប្រទេសឡាវ ហើយនៅថ្ងៃខាងលើគេបានចូលមកស្នាក់នៅក្នុងសណ្ឋាគារមួយកន្លែងក្នុងខេត្តស្ទឹងត្រែង។ហើយព្រឹកឡើងបក្សពួកគេបានយកអីវ៉ាន់មកផ្ញើរ មិនដឹងថាជាអ្វីនោះទេ ក្រោយពីចេញដំណើរមកដល់ចំណុចនោះក៏ត្រូវបានសមត្ថកិច្ចចាប់តែម្តង។ បច្ចុប្បន្នជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងសាកសួរ ដើម្បីរៀបចំសំណុំរឿង បញ្ជូនខ្លូនទៅកាន់តុលាការចាត់ការបន្តទៅតាមនីតិវិធិ៕
