ភ្នំពេញ ៖ ម៉ូតូ២គ្រឿងធ្វើដំណើរបញ្ច្រស់គ្នាបានបុកគ្នាចំពីមុខពេញទំហឹង បណ្ដាលអោយអ្នកជិះម៉ូតូទាំង២គ្រឿងរងរបួសស្រាល៣នាក់ កាលពីវេលាម៉ោង៩និង២០នាទីយប់ថ្ងៃទី២៧ខែឧសភាឆ្នាំ២០១៤ ត្រង់ចំណុចមុខប៉ុស្តិ៍នគរបាលទឹកល្អក់៣ តាមបណ្ដោយផ្លូវលេខ១៨២ (ទេពផន)
ស្ថិតក្នុងសង្កាត់ទឹកល្អក់៣ ខណ្ឌទួលគោក។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុ គេបានឃើញម៉ូតូមួយគ្រឿងម៉ាកហុងដាឌ្រីម ធុនសេ១២៥ ពាក់ស្លាកលេខ ភ្នំពេញ 1CG-0287 ដោយជិះដោយយុវជន២នាក់បានជិះតាមបណ្ដោយផ្លូវលេខ១៨២ ក្នុងទិសដៅពីលិចទៅកើតដោយជិះក្នុងល្បឿនលឿនក៏បានជ្រុលមកបុកម៉ូតូមួយគ្រឿងម៉ាកហុងដាគុបមួយគ្រឿង ពណ៌ទឹកប៊ិច ពាក់ស្លាកលេខ ភ្នំពេញ 1BM-3213 ជិះដោយបុរសម្នាក់ក្នុងទិសដៅបញ្ច្រាស់គ្នាជាមួយម៉ូតូហុងដាឌ្រីម បណ្ដាលអោយបុកគ្នាចំពេញទំហឹងធ្វើអោយមនុស្ស៣នាក់រងរបួសស្រាល។ចំណែកម៉ូតូទាំង២គ្រឿងខាងលើក៏បានរងការខូចខាតបន្តិចបន្តួចផងដែរ។ក្រោយកើតហេតុសមត្ថកិច្ចបានចុះមកដល់កន្លែងកើតហេតុក៏បានអោយភាគីម៉ូតូទាំង២សម្របសម្រួលគ្នាកុំអោយវែងឆ្ងាយតទៅមុខទៀត៕
