បន្ទាយមានជ័យៈ លោកវរសេនីយ៍ឯក សរ ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យបានអោយអង្គភាពpostnews ដឹងថានៅវេលាម៉ោង១៦និង០០នាទី រសៀលថ្ងៃទី១២ ខែសីហា ឆ្នាំ២០១៦នេះកម្លាំងស្នាក់ការសន្តិសុខ៥៦៨ក្រុងប៉ោយប៉ែតបានធ្វើការឃាត់
ខ្លួនជនសង្ស័យចំនួនបីនាក់ដែលជាមុខសញ្ញាជួញដូរចែកចាយគ្រឿងញៀនដ៏សកម្ម។ការឃាត់ខ្លួនធ្វើឡើងនៅចំណុចខាងក្រោយកាសុីណូឡាក់គី ស្ថិតនៅក្នុងភូមិប៉ោយប៉ែត សង្កាត់ និងក្រុងប៉ោយប៉ែត ខេត្តបន្ទាយមានជ័យ។លោកមេបញ្ជាការរងរូបនេះបានបញ្ជាក់ថាជនសង្ស័យដែលបានឃាត់ខ្លួនមាន ឈ្មោះ១/ឡេង ប៊ុនធឿន (ហៅតយ) ភេទប្រុស អាយុ១៧ឆ្នាំ រស់នៅភូមិក្បាលស្ពាន១ សង្កាត់ និងក្រុងប៉ោយប៉ែត២/ឈ្មោះ នឿន ខូច ភេទប្រុស អាយុ១៧ឆ្នាំ រស់នៅមណ្ឌល៨ ភូមិប្រជាធម្មកើត សង្កាត់ផ្សារកណ្តាល ក្រុងប៉ោយប៉ែត៣/ឈ្មោះ មិុច ប៉ុន ភេទប្រុស អាយុ១៥ឆ្នាំ រស់នៅភូមិមិត្តភាព សង្កាត់ និងក្រុងប៉ោយប៉ែត។ក្រោយឃាត់ខ្លួនសមត្ថកិច្ចបានដកហូតនូវវត្ថុតាងថ្នាំញៀនប្រភេទម៉ាទឹកកកចំនួន១២ថង់តូចនិងទូរស័ព្ទដៃចំនួន៣គ្រឿង។បច្ចុប្បន្នជនសង្ស័យទាំងបីនាក់កំពុងស្ថិតក្រោមការសួរចម្លើយពីកម្លាំងជំនាញអាវុធហត្ថខេត្តដើម្បីចាត់ការបន្តតាមនីតិវិធីច្បាប់ ៕
