ខេត្តកំពត៖ នៅល្ងាចថ្ងៃទី១៦ ខែសីហា ឆ្នាំ២០១៦ លោក ទិន សម្បត្តិ រួមជាមួយអង្គការបណ្តុះបណ្តាលវិជ្ជាជីវៈនិងអភិវឌ្ឍន៍សង្គម ទៅសួរសុខទុក្ខលោកគ្រូ ម៉ៅ សុខុម គ្រូស្ម័គ្រចិត្តបង្រៀនភាសាអង្គគ្លេស និងសិស្សសហគមន៍ចំនួន ៧០នាក់ នៅសហគមន៍ផ្លូវភ្នំ ភូមិកំពង់ត្រាចទី១
ឃុំកំពង់ត្រាចខាង កើត ស្រុកកំពង់ត្រាច ខេត្តកំពត ។ ក្នុងនោះបានយកប្រាក់ឧបត្ថម្ភប្រចាំខែកក្កដា ឆ្នាំ២០១៦ ចំនួន ៣០ម៉ឺនរៀល ទៅជូនលោកគ្រូ ម៉ៅ សុខុម អតីតមន្ត្រីការិយាល័យពាណិជ្ជកម្មស្រុកកំពង់ត្រាច បច្ចុប្បន្នជាគ្រូស្ម័គ្រចិត្តបង្រៀនភាសាអង្គគ្លេស និងសៀវភៅសរសេរចំនួន ៧០ក្បាល និងប៊ិក ចំនួន ៧០ដើម ចែកជូនក្មួយៗជាសិស្សសហគមន៍ ដោយក្នុងម្នាក់ៗទទួលបានសៀវភៅសរសេរ ចំនួន ០១ក្បាល និងប៊ិកចំនួន ០១ដើម ៕
