ជនរងគ្រោះស្មារតីមិនល្អម្នាក់បានរងរបួសបាក់ជើងខាងឆ្វេង និងបាក់ដៃស្តាំ ក្នុងហេតុការណ៍គ្រោះថ្នាក់ ចរាចរណ៏មួយបានកើតឡើងវេលាម៉ោង ៤និង៣០នាទី ទាបភ្លឺឈានចូលថ្ងៃទី ២៦ ខែ ឧសភា ឆ្នាំ២០១៤ លើកំណាត់ផ្លូវជាតិលេខ៥ ចន្លោះគីឡូម៉ែត្រលេខ ៩០ និង៩១ ស្ថិតក្នុងភួមិទី៨
សង្កាត់ខ្សាម ក្រុងកំពង់ឆ្នាំង ខណៈដែលជនរងគ្រោះដើរតាមផ្លូវជាតិ ត្រូវរថយន្តមិនស្គាល់ម៉ាកបុកពេញទំហឹង។
មន្ត្រីនគរបាលចរាចរណ៏ ក្រុងកំពង់ឆ្នាំង បាននិយាយឲ្យដឹងថា៖ ជនរងគ្រោះមានឈ្មោះ លួង រស់ អាយុ៥២ឆ្នាំ មានទីលំនៅភូមិ ឃុំកើតហេតុខាងលើ។ ហេតុនេះ គ្មាននរណាបានឃើញនោះទេ ប៉ុន្តែគ្រាន់តែដឹងថា រថយន្តបង្កជារថយន្តប្រភេទធន់ធំ ហើយមិនបានដឹងថា កើតឡើងដោយរបៀបណានោះដែរ គ្រាន់តែ
ដឹងថាទំនងជនរងគ្រោះដើរឆ្លងថ្នល់ជាតិ។ ក្រោយពេលកើតហេតុមន្ត្រីនគរបាល ក្រុងបានហៅរថយន្តសង្គ្រោះរបស់មន្ទីរពេទ្យខេត្ត ដឹកជនរងគ្រោះមកមន្ទីរពេទ្យជាបន្ទាន់។ ជនរងគ្រោះត្រូវរយន្តបុកបាក់ជើងឆ្វេង
បាក់ដៃស្តាំ រងរបួសធ្ងន់ធ្ងរ ។
ក្រុមគ្រួសាជនរងគ្រោះបាននិយាយថា ថ្វីត្បិតថាជនរងគ្រោះមានសតិមិនសូវល្អក្តី ប៉ុន្តែពេលណាដែលមិនសូវធ្វើទុកនោះទេ គឺបានទៅជួយភ្ជួររាស់ដកស្ទូងខ្លះដែរ ប៉ុន្តែមួយរយៈចុងក្រោយនេះ វក់ខ្លាំងមែនទេដើរមិនចូលផ្ទះ អស់កម្លាំងត្រង់ណាដេកត្រង់ហ្នឹង ហើយមិនដែលធ្វើបាបគេទេ៕
