ខេត្តបាត់ដំបង បុរសម្នាក់បានទៅបង្កៃត្រីក្នុងស្ទឹង រហូតបាត់ខ្លួន២យប់២ថ្ងៃ ស្រាប់តែប្រទះឃើញ សពអណ្តែត បង្កឲ្យមានការភ្ញាក់ផ្អើល។
ជនរងគ្រោះបានបាត់ខ្លួនពីម៉ោង១០យប់ថ្ងៃទី២៤ និងរកឃើញនៅម៉ោង៣រសៀលថ្ងៃទី២៦ ខែឧសភា ឆ្នាំ២០១៤ នៅក្នុងស្ទឹងចំណុចចំការតាវឹងក្នុងភូមិថ្លុកជ្រៅ ឃុំអញ្ចាញរូង ស្រុកបរិបូណ៌ ខេត្តបាត់ដំបង។
សមត្ថកិច្ចមូលដ្ឋានអោយដឹងថា៖ ជរងគ្រោះមានឈ្មោះ ស៊ឹម សំបានអាយុ៤៨ឆ្នាំរស់នៅក្នុងភូមិឃុំខាងលើ។ មុនពេលកើតហេតុគាត់បានទៅចងសន្ទូច និចងបង្កៃត្រីនៅក្នុងស្ទឹងបរិបូណ៌ហើយក៏បានបាត់ខ្លួនតែម្តង ស្រាបតែនៅម៉ោង៣រសៀលថ្ងៃទី២៦ ខែឧសភា ទើបអ្នកស្រុកប្រទះឃើញសពគាត់អណ្តែកទឹក។
ក្នុងថ្ងៃនោះដែរ សមត្ថកិច្ចក៏បានចុះទៅធ្វើការពិនិត្យ និងធ្វើកោសលវិច្ច័យសព ហើយបាន សន្និដ្ឋានថា ជនរងគ្រោះពិតជាស្លាប់ដោយសារការលង់ទឹកស្លាប់ប្រហែលមកពីខ្យល់គរ ព្រោះពីមុនមកគាត់ក៏ធ្លាប់មានជម្ងឺសរសៃប្រសាទផងដែរ។
ក្រោយពីបានពិនិត្យសពរួច ត្រូវបានសមត្ថកិច្ច ប្រគល់ជូនក្រុមគ្រួសារ ដើម្បីធ្វបុណ្យទានតាមប្រពៃណីខ្មែរ៕
