ឧត្តរមានជ័យ៖ កាលពីវេលាម៉ោង១៩និង១០នាទី ថ្ងៃទី១៨ ខែសីហា ឆ្នាំ២០១៦ មានករណីគ្រោះថ្នាក់ចរាចរណ៍ មួយបង្ករឡើងរវាងរថយន្ត ជាមួយមនុស្សថ្មើងជើង នៅលើដងផ្លូវជាតិលេខ ៥៦ ស្ថិតនៅខាងកើតភូមិកញ្ឆៀប ឃុំគោកមន ស្រុកបន្ទាយអំពិល ខេត្តឧត្តរមានជ័យ។
លោកវរសេនីយ៍ទោ ហម ភិរម្យ អធិការនគរបាលស្រុក បានអោយដឹងថា ជនរងគ្រោះ ឈ្មោះលឿន ស្មើរ ភេទប្រុស អាយុ៤៤ឆ្នាំរស់នៅភូមិកញ្ឆៀប ឃុំគោកមន ស្រុកបន្ទាយអំពិល បណ្តាល(អោយរងរបួសធ្ងន់ធ្ង) ចំណែកជនបង្ករ ឈ្មោះ ហម ម៉ង ភេទប្រុស អាយុ៥៩ឆ្នាំ ជាទាហាន ឈរជើងនៅភូមិកន្នុយជូន ឃុំបេង ស្រុកបន្ទាយអំពិល ខេត្តឧត្តរមានជ័យ បើកបររថយន្ត ម៉ាកតូយ៉ូតតា នីសាន់ ពណ៍ទ្រេអុី ពាក់ស្លាកលេខ ខ-ម២-៣២១៦។លោកអធិការនគរបាលស្រុកបានបន្តទៀតថា ករណីនេះកម្លាំងជំនាញបានចុះ ទៅដល់កន្លែងកើតហេតុនិងបានដកហូតវត្ថុតាង មករក្សាទុកនៅអធិការដ្ឋាននគរបាលស្រុករងចាំដោះស្រាយគ្នាទៅតាមផ្លូវច្បាប់ រីឯចំណែកជនរងគ្រោះ ត្រូវបានបញ្ជូនទៅមន្ទីរពេទ្យ បង្អែកខេត្តឧត្តរមានជ័យ៕
