ខេត្តកំពង់ធំ ៖ នៅក្នុងសាលប្រជុំតំបន់ប្រតិបត្តិការសឹករងកំពង់ធំ មានពិធីជួប សំណេះសំណាលរវាងថ្នាក់ ដឹកនាំតំបន់ប្រតិបត្តិការសឹករងកំពង់ធំ និងគណៈប្រតិភូយោធភូមិភាគទី៧ របស់កងទ័ពវៀតណាម នៅព្រឹក ថ្ងៃទី ២៧ ខែ ឧសភា ឆ្នាំ ២០១៤ក្រោមអធិបតីភាព ឯកឧត្តម សោម សុផាត អភិបាលរងខេត្តកំពង់ធំ និង ឯកឧត្តម សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ដោយមានការចូលរួម ពីសំណាក់ឯកឧត្តម ឧត្តមសេនីយ៍ត្រី ចិន វ៉ាន់ហុង អនុប្រធាន
នយោបាយយោធា យោធភូមិភាគទី៧ ព្រមទាំងប្រតិភូ អមដំណើរចូលរួមផងដែរ។ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិសឹករងកំពង់ធំ បានមានប្រសាសន័ថា កិច្ចពិភាគក្សាក្នុងឳកាសនេះ ត្រូវបានអនុវត្តកិច្ចព្រមព្រៀង របស់រាជរដ្ឋាភិបាលទាំងពី កម្ពុជា វៀតណាម ស្តីពីកិច្ចសហប្រតិបត្តិការ រុករកអដិ្ឋធាតុ របស់កងទ័ពស្ម័គ្រចិត្តវៀតណាម ដែលបានពលីជីវិតក្នុងសម័យសង្គ្រាមទសវត្យរ៍ឆ្នាំ១៩៧០ កម្លាំងតំបន់ប្រតិបត្តិការសឹករងកំពង់ធំ ជាសេនាធិការឲ្យខេត្ត
និងបានសហការជាមួយក្រុមបច្ចេកទេស K70 យោធភូមិភាគទី៧ និង K72 របស់ខេត្តប៊ិញ ភឿក នៃសាធារណៈរដ្ឋ សង្គមនិយមវៀតណាម ជិករុករក អដិ្ឋធាតុបានសរុប ៩២០ ដែលមាន១៣ដំណាក់កាល នៅតាមបណ្តាស្រុក ក្នុងខេត្តកំពង់ធំ ។ឯកឧត្តម សោម ស៊ុន បានបញ្ជាក់ថា ការរុករកអដិ្ឋធាតុ នាពេលបច្ចុប្បន្ន ត្រូវបានជួបនូវផល លំបាក់មួយចំនួន ដោយសារតែទីតាមងផ្នូរមានការប្រែប្រួល តាមសម័យកាល ដូចជាផ្នូរត្រូវបានប្រជាពលរដ្ឋគាស់កាយ លុប
ធ្វើជាចំការ ធ្វើលំនៅដ្ឋាន ធ្វើអាគារសាធារណៈ អ្នកកប់ផ្ទាល់ដៃចាស់ជរា ឬស្លាប់ ដែល ជាហេតុបណ្តាលឲ្យជួបនិងផលលំបាកមួយចំនួន តែទោះជាមានសភាពបែបនេះក្តី ក៏តំបន់សឹក បានសហការ ជាមួយកំលាំងK72 រុករកជាបន្តបន្ទាប់ ។ ក្នុងឳកាសនោះ ឯកឧត្តម សោម សុផាត អភិបាលរងខេត្តកំពង់ធំ បានកោតសរសើរនឹងវាយតំលៃខ្ពស់ ចំពោះការខិតខំ
ប្រឹងប្រែង រុករកអដិ្ឋធាតុ របស់កំលាំងតំបន់សឹករងកំពង់ធំ និងកំលាំងកងទ័ពស្ម័គ្រចិត្តវៀតណាម ទោះជាជួបនឹងផលលំបាកក្តី ក៏បានធ្វើឲ្យលទ្ធផលទទួលបានជោគជ័យ និងបានផ្តាំផ្ញើរដល់កំលាំង ទាំងអស់ ប្រឹងប្រែងបន្តទៀត និងថែរក្សាសុខភាព ។ 
