ខេត្តស្វាយរៀង បានដឹកនាំក្រុមការងារ អាជ្ញាធរ កងកម្លាំង ចុះពិនិត្យទីតាំងបង្គោលព្រំដែន នៅតំបន់ចំពោះទា ឃុំទួលស្តី និងឃុំចន្ទ្រា ស្រុកចន្ទ្រា ។ការចុះនេះបានធ្វើឡើងកាលពីម្សិលមិញថ្ងៃទី២៥ខែសីហាឆ្នាំ២០១៦។បើតាមន្ត្រីសាលាខេត្តបានបញ្ជាក់ផងដែរថាការចុះទៅនេះដើម្បីពិនិត្យមើលបង្គោលព្រំដែននិងណែនាំពលរដ្ឋកុំជួលដីអោយប្រទេសជិតខាងតទៅទៀតព្រោះនាំអោយពិបាកដល់រាជរដ្ឋាភិបាលទៅក្រោយ។ លោកម៉ែន វិបុល អភិបាលខេត្តស្វាយរៀងបានបញ្ជាក់ថា នៅក្នុងឃុំចន្ទ្រា ដែលមានផ្ទៃដី ២០០ហិកតា និងនៅឃុំប្រាសាទ ក្រុងបាវិត ចំនួន៤០ហិកតា គឺគ្មានការជួលដីខ្មែរ នៅតាមព្រំដែន ទៅឲ្យជនជាតិវៀតណាម នៅក្នុងទឹកដីខេត្តស្វាយរៀងឡើយ។ដោយបានបង្កើតគណៈកម្មការត្រួតពិនិត្យ សហការជាមួយអភិបាលរងខេត្តស្វាយរៀង ចុះត្រួតពិនិត្យដោយផ្ទាល់ តាមមូលដ្ឋាន ហើយពិនិត្យឃើញថា គ្មានការជួលដូចការលើកឡើងរបស់ គណបក្សសង្គ្រោះជាតិឡើយ។
