កំពង់ចាម៖បុរសម្នាក់ឡើងកាប់ឬស្សីហើយធ្លាក់មកដីត្រូវកាំបិតរបស់ខ្លួនចាក់ចំដើមទ្រូងបណ្តាលឲ្យស្លាប់ភ្លាមនៅកន្លែងកើតហេតុបង្ករអោយមានភាពភ្ញាក់ផ្អើលនៅវេលាម៉ោង17និង15នាទីថ្ងៃទី23សីហា
2016នៅចំនុចគុម្ពឬស្សីស្ថិតក្និងភូមិចុងខ្ញូងឃុំមហាខ្ញូងស្រុកកោះសូទិនខេត្តកំពង់ចាម។
សពជនរងគ្រោះឈ្មោះសាយប៊ុនលីម ភេទប្រុសអាយុ47ឆ្នាំមានទីលំនៅភូមិ-ឃុំកើតហេតុខាង
លើ ។ប្រភពពត៌មានពីកន្លែងកើតហេតុបានអោយដឹងថានៅរសៀលថ្ងៃទី23សីហា2016ឈ្មោះសាយ ប៊ុនលីមបានចេញពីផ្ទះទៅចំនុចកើតហេតុដើម្បីកាប់ដើមឬស្សីពេលនោះមានខ្យល់បក់យ៉ាងខ្លាំងធ្វើឲ្យ
ជនរងគ្រោះនិងកាំបិតចុងស្រួចដងវែងដែលជនរងគ្រោះកាន់យកទៅកាប់ធ្លាក់មកជាមួយគ្នាតែកាំបិតធ្លាក់មកដល់ដីមុនដោតដងនៅក្នុងដីផ្លែកាំបិតឡើងលើ។ខណៈនោះឈ្មោះសាយ ប៊ុនលីម ធ្លាក់មកចំ
កាំបិតរបស់ខ្លួនមុតចំដោះខាងស្តាំធ្លុះទៅម្ខាងជាប់កាំបិតនៅលើសពជនរងគ្រោះ។
លោក ប្រេង ហ៊ីម អធិការនគរបាលស្រុកកោះសូទិនបានអោយដឹងថាមូលហេតុបណ្តាលអោយ
ជនរងគ្រោះស្លាប់នេះគឺមកពីជនរងគ្រោះឡើងកាប់ឬស្សីឈរជាន់មែកឬស្សីហើយបាក់មែកឬស្សីធ្លាក់
មកដីកំពង់6,30មទើបមុតកាំបិតធ្លាយទៅម្ខាង។លោកអធិការបញ្ជាក់ថាករណីនេះពុំពាក់ព័ន្ធរឿងឃាត
កម្មឡើយ។រីឯសពជនរងគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។
