កំពង់ស្ពឺ ៖ នារីក្រមុំម្នាក់បានស្លាប់បាត់បង់ជីវិតបន្ទាប់ពីបានបញ្ជូនដល់មន្ទីរពេទ្យដើម្បីសង្គ្រោះ ដោយតែបុរសម្នាក់តាមស្រឡាញ់នាងមិនបានទើមកើតជាអំពើហឹង្សាហេតុការណ៍ផ្ទុះអំពើហឹង្សាខាងលើបានកើតមានឡើង កាលពីព្រឹកថ្ងៃទី២៨ ខែសីហា ឆ្នាំ២០១៦ ក្នុងផ្សារឧដុង្គ
ឃុំវាំងចាស់ ស្រុកឧដុង្គ ខេត្តកំពង់ស្ពឺ សមត្ថកិច្ចបានប្រាប់ថា ជនសង្ស័យក្នុងអំពើហឹង្សាចាក់គ្នាក្នុងរឿងទំនាស់ស្នេហានោះមាន ឈ្មោះស៊ីម ម៉ូត ភេទប្រុស អាយុ ៣២ឆ្នាំ ជាជាងតោន និងបាញ់ថ្នាំ រថយន្ត មានទីលំនៅភូមិតានៀល ឃុំព្រះស្រែ ឃុំវាំងចាស់ ស្រុកឧដុង្គ ខេត្តកំពង់ស្ពឺ បានចាក់ខ្លួនខ្លួនឯងរបួសធ្ងន់ បន្ទាប់ពីធ្វើសកម្មភាពចាក់លើនារីក្រមុំដែលខ្លួនស្រឡាញ់បណ្តាលឱ្យរងរបួសធ្ងន់ធ្ងរហើយបានស្លាប់ក្រោយពេលបញ្ជូទៅសង្គ្រោះនៅមន្ទីរពេទ្យ ។ ប្រភពបន្តថានារីរងគ្រោះមានឈ្មោះណែម ចន្ធូ ភេទស្រី អាយុ ២៤ឆ្នាំ មុខរបរកាត់សម្លៀកបំពាក់ក្នុងផ្សារឧដុង្គមានទីលំនៅភូមិឃ្លាំង៥ ឃុំវាំងចាស់ ស្រុកឧដុង្គ ។
សមត្ថកិច្ចបានបញ្ជាក់ថា មូលហេតុបណ្តាលឱ្យកើតមានអំពើហឹង្សារមកពីបុរសជាជនបង្ករបានលួចស្រឡាញ់នារីរងគ្រោះប៉ុន្តែដោយសារនាងបដិសេដ្ឋមិនទទួលការស្រឡាញ់ទើបទាញ់កាំបិតចាក់ជនរងគ្រោះរួចចាក់ខ្លួនឯងតែម្តង បច្ចុប្បន្ននារីរងគ្រោះបានស្លាប់ក្រោយពេលបញ្ជូនទៅកាន់បន្ទីរពេទ្យ ។ ចំណែកជនបង្កររបួសធ្ងន់ដោយចាក់ខ្លួនឯងកំពុងជួយសង្គ្រោះ៕
