ខេត្តកំពត៖ ការដ្ឋានបូមខ្សាច់មួយកន្លែង ដែលបង្ករឲ្យមានការ ប៉ះពាល់ដល់បរិស្ថាន ផ្ទៃទឹកយ៉ាងធ្ងន់ធ្ងរ ធ្វើអោយបាក់ច្រាំងស្ទឹង និងបង្កផលប៉ះពាល់ដល់ ដំណាំប្រជាពលរដ្ឋយ៉ាងធ្ងន់ធ្ងរ ការដ្ឋានបូមខ្សាច់ មួយកន្លែងនេះ មានទីតាំងស្ថិតនៅ ភូមិកំពុងចិន ឃុំស្ទឹងកែវ ស្រុកទឹកឈូ
ខេត្តកំពត។ក្រុមប្រជាពលរដ្ឋរស់នៅភូមិ-ឃុំ ខាងលើ បានសុំអោយអាជ្ញាធរស្រុកនិងខេត្ត មានវិធានការជួយធ្វើទប់ស្កាត់និងបញ្ឈប់ការបូមខ្សាច់ នៅចំណុចភូមិសាស្ត្រខាងលើនេះ ។ព្រោះការដែល បូមយកខ្សាច់ពីច្រាំងក្នុងស្ទឹងនេះ គឺវាបណ្តាលអោយបាក់ច្រាំងស្ទឹង និងប៉ះពាល់ដល់ដីចំការរបស់ ប្រជាពលរដ្ឋរស់នៅក្បែស្ទឹងខាងលើនោះ ហើយបណ្តាលអោយទឹកស្ទឹងល្អក់យ៉ាងខ្លាំងយកមកប្រើប្រាស់មិនកើត។ប្រជាពលរដ្ឋបាន បន្តទៀតថា ក្រុមហ៊ុនបូមខ្សាច់ខាងលើនេះ មានរថយន្តធំៗជាច្រើនគ្រឿង បានដឹកខ្សាច់ ចេញពីបំបន់នោះ បណ្តាលអោយផ្លូវលំមួយខ្សែ មានប្រវែង ប្រមាណជាងមួយពាន់ម៉ែត រងការខូចខាតយ៉ាងដំណំ។
ប្រជាពលរដ្ឋបាន អោយដឹងថា ម្ចាស់ការដ្ឋានបូមយកខ្សាច់ខាងលើ ត្រូវគេស្គាល់ឈ្មោះថា គីម ថន ដែលជាម្ចាស់ការដ្ឋាបូមនខ្សាច់ ដែលធ្វើអោយរងការប៉ះពាល់ ដល់ប្រជាពលរដ្ឋរស់នៅតំបន់ស្ទឹងកែវស្រុកទឹឈូរ ខេត្ត កំពត។សារពត័មានយើង មិនអាចសុំការបំភ្លឺ ជុំវិញបញ្ហា ការដ្ឋានបូមខ្សាច់ ដែលកំពុងធ្វើសកម្មភាព ខាងលើនេះបានទេ ដោយសារតែ លោក សោម វិចិត្រ ប្រធានមន្ទីរ៉ែ និងថាមពល ខេត្តកំពត ជាប់រវល់ប្រជុំ។ទោះបីយ៉ាងណាក៏ដោយ គួតែអាជ្ញាធរ និងជំនាញ ជួយទប់ស្កាត់ ការដឹកជញ្ជូនខ្សាច់លើសទម្ងន់នេះផង កុំបណ្តែតបណ្តោយអោយធ្វើយ៉ាងនេះ ប្រយត្ន័ខូចផ្លូវខានប្រជាពលរដ្ឋធ្វើដំណើរ ៕
