កំពត-ក្រុងកំពត ៖ នៅយប់ថ្ងៃទី ០៥ ខែកញ្ញា ឆ្នាំ២០១៦ កម្លាំងចរាចរណ៍ នៃអធិការដ្ឋាននគរបាលក្រុង សហការជាមួយកម្លាំងកងរាជអាវុធហត្ថក្រុង ធ្វើការត្រួតពិនិត្យអាវុធជាតិផ្ទុះ និងអនុវត្តច្បាប់ចរាចរណ៍ផ្លូវគោកនៅលើកំណាត់ផ្លូវជាតិលេខ៣ ត្រង់ចំណុចផ្លូវបំបែកចូលស្ថានីយ៍រថភ្លើង បានឃាត់មនុស្សចំនួន ០២នាក់ ១. ឈ្មោះ រិទ្ធ អែម ភេទប្រុស អាយុ ២២ឆ្នាំ នៅភូមិត្រពាំងកក់ ឃុំស្ទឹងកែវ ស្រុកទឹកឈូ មុខរបរជាងផ្សារដែក និង២. ឈ្មោះ ឆែម ទាវ ភេទប្រុស អាយុ ២៥ឆ្នាំ នៅភូមិ-ឃុំជាមួយគ្នា មុខរបរដូចគ្នា ព្រមទាំងម៉ូតូចំនួន ០១គ្រឿង ម៉ាកសេ១២៥ (ពណ៌ខ្មៅ) ផលិតឆ្នាំ២០១៥ ស្លាកលេខ ក្រុងព្រះសហនុ 1C-1307 ។ ដកហូតបានម្សៅក្រាមពណ៌សដែលសង្ស័យថាជាថ្នាំញៀនចំនួន ០១កញ្ចប់តូច ។ បច្ចុប្បន្នជនសង្ស័យទាំងពីរនាក់កម្លាំងរបស់យើងកំពុងកសាងសំណុំរឿងដើម្បីអនុវត្តទៅតាមនីតិវិធីច្បាប់ ។
