ខេត្តកំពង់ធំ ៖ យុទ្ធនាការក្តៅគគុកក្នុងការបង្ក្រាបបទល្មើសព្រៃឈើ ដែលបានរុករាន្ទយ៉ាងអាណាធិបតេយ្យ ស្ថិតនៅតំបន់ភ្នំជី ភូមិ កំណប់ ឃុំមានរិទ្ធ ស្រុកសណ្តាន់ ខេត្តកំពង់ធំ ដែលជាចំនុចក្តៅក្នុងការលក់ដូចឈើ ដោយខុសច្បាប់ដូចជាផ្សាត្រី ដោយសារតែតំបន់នេះស្ថិតនៅឆ្ងាយពីទីរួមខេត្តកំពង់ធំ ប្រមាណជា២០០គ.ម ស្ថិតនៅក្នុងព្រៃជ្រៅ បង្ករផលលំបាក់ដល់សមត្ថកិច្ច ក្នុងការគ្រប់គ្រងផល អនុផលព្រៃឈើ ក៏ដូចជារ៉ែមាស ផងដែរ។
តែទោះជាមានផលលំបាក់បែបណាក្តី ក៏លោក អ៊ិត សុធា ព្រះរាជអាជ្ញាខេត្តកំពង់ធំ អមដំណើរដោយលោក សាយ ណូរ៉ា ព្រះរាជអាជ្ញារង បានដឹកនាំកំលាំងសមត្ថកិច្ចជាង៥០នាក់ ក្នុងនោះមានកម្លាំងតំបន់ប្រតិបត្តិការសឹករងកំពង់ធំ ១៥នាក់ កងរាជអាវុធហត្ថ ៦នាក់ ប៉ូលិស ៥នាក់ មេព្រៃ៤នាក់ព្រមទាំងកម្មករសម្រាប់ លើកវត្ថុតាងដាក់គោយន្ត ២២នាក់ ព្រមទាំងអ្នកទូរទស្សន៍ កាសែត ចូលរួមក្នុងកិច្ចសហប្រតិបត្តិការ បង្ក្រាបបានធ្វើឡើងក្តៅជាទីបំផុត ដើម្បីជំនះ ។
សកម្មភាពក្នុងការ បង្ក្រាបបទល្មើសព្រៃឈើ ត្រូវបានធ្វើឡើងនៅវេលាម៉ោង ៤.៣០នាទី នៃរសៀលថ្ងៃទី ២៩ ខែឧសភា ឆ្នាំ ២០១៤ នឹងបានរឹបអូសយកគំនរឈើសរុបមាន ២៩ពន្លូក ដែលជាប្រភេទឈើធ្នង់ និងនាងនួន ដែលតាមការប៉ាន់ស្មានរបស់សមត្ថកិច្ច បានបញ្ជាក់ថា ឈើទាំងនេះមានប្រមាណ ជិត២០០ម៉ែត្រ គូប ដោយឡែកនៅចំនុចភូមិកំណប់នេះ គឺជាមុម៣នៃព្រំប្រទល់ ខេត្តកំពង់ធំ ខេត្តក្រចេះ ខេត្តស្ទឹងត្រែង ដែលជាតំបន់ទីផ្សាសេរីក្នុងការដឹកជញ្ជូនព្រៃឈើ ដោយអាណាធិបតេយ្យ ។
លោក អ៊ិត សុធា ព្រះរាជអាជ្ញាខេត្តកំពង់ធំ បានមានប្រសាសន៍ថា នេះជាប្រវត្តិសាស្ត្រហើយ ដែលលោក បានឃើញនូវទិដ្ឋភាពបទល្មើសព្រៃឈើដែលបាន ដាក់តាំងលក់ដូចត្រីងៀត ស្ទើរតែគ្រប់ខ្នងផ្ទះ ព្រមទាំង បានបង្ករឲ្យមានការភ្ញាក់ផ្អើលបំផុត ដែលសមត្ថជុះនាញមេព្រៃនៅក្នុងផ្នែកសណ្តាន់នេះ ពុំមានភាពទទួល ខុសត្រូវ និងពុំមានការចុះមកតំបន់ដើម្បីគ្រប់គ្រប់ព្រៃឈើ ចំណែកគោលការនៃការចុះបង្ក្រាបនាពេលនេះ ដោយយល់ថា ប្រជាពលរដ្ឋ ពុំសូវយល់ពីច្បាប់ព្រៃឈើ ទើបនាំគ្នាកាប់ឈើដោយខុសច្បាប់ មកដាក់នៅក្នុង បរិវេណផ្ទះរបស់ខ្លួន ទើបលោក ធ្វើការដកហូតត្រឹមតែឈើ មកជាសម្បត្តិរដ្ឋ ចំណែកម្ចាស់ពុំយកទោសពៃ តែហាមដាច់ខាតមិនអោយប្រព្រឹត្តទៀតជាដាច់ខាត។
លោក សាយ ណូរ៉ា ព្រះរាជអាជ្ញារង បានឲ្យដឹងថា កិច្ចសហកប្រតិបត្តិការបង្ក្រាបនេះ និងត្រូវបានអនុវត្ត ដូចភ្លៀងរលឹម និងបោះជំហ៊ានទៅមុខជាលំដាប់ ដោយឡែកវត្ថុតាងដែលត្រូវបានរឹបអូស និងត្រូវបានដឹក ជញ្ជូនមករក្សាទុកនៅផ្នែករដ្ឋបាលព្រៃឈើសណ្តាន់ ឲ្យអស់ទោះជាត្រូវប្រើរយះពេលយូក្តី ហើយនៅព្រឹក ថ្ងៃទី៣០នេះ និងត្រូវបានគៀងគរ មេព្រៃទូទាំងខេត្តឲ្យចុះទៅ អនុវត្តបង្ក្រាបបទល្មើសព្រៃឈើដែលនៅ សេសសល់ ក្នុងព្រៃដែលត្រូវបានប៉ាន់ស្មានក្នុងមួយអាទិត្យ ទើបអាចប្រមូលអស់ ចំណែកលទ្ធផលដែល បង្ក្រាបនៅពេលនេះ ពុំទាន់ដឹងនៅឡើយទេ រងចាំប្រមូលអស់ទើបបូកសរុបជាថ្មី ខណៈនេះសមត្ថកិច្ចកំពុងតែបន្តបង្ក្រាបដូចព្យុះ។ ដោយ ប៊ុន រដ្ឋា 
