កែប ៖ នៅម៉ោង១៦រសៀល ថ្ងៃទី៨ ខែកញ្ញា ឆ្នាំ២០១៦ ការិយាល័យកណ្តាលប្រឆាំងបទល្មើស ដឹកនាំការបង្ក្រាប ការចរាចរចែកចាយថ្នាំញៀនមួយលើក នៅផ្លូវលំ ក្នុងភូមិ ភ្នំលាវ ឃុំពងទឹក ស្រុកដំណាក់ចង្អើរ ខេត្តកែប ដោយចាប់ មុខសញ្ញាមួយនាក់ឈ្មោះ តាន់ ប៉ូ ហៅ ជ្រង ភេទប្រុស អាយុ២៦ឆ្នាំ មុខរបរជាងផ្សារដែក សព្វថ្ងៃរស់នៅភូមិលក ឃុំឫស្សីស្រុកខាងលិច ស្រុកកំពង់ត្រាច ខេត្តកំពត។ ខណៈដែលជនសង្ស័យជិះម៉ូតូម្នាក់ឯង (ម៉ាកវ៉េវផលិតនៅវៀត ណាម) អត់ស្លាកលេខយកថ្នាំញៀនមកបំរុងចែកចាយនៅ មូលដ្ឋានខាងលើ ។ វត្ថុតាងដកហូតមាន ៖ ថ្នាំម៉ាទឹកកក៦កញ្ចប់(ធំ3,តូច3), ប្រាក់ រៀល៤ម៉ឺនរៀល, ប្រាក់ដុង៣០ម៉ឺនដុង,ម៉ូតូម៉ាកវ៉េវ ព៌ណខ្មៅ គ្មានផ្លាកលេខ1គ្រឿង,ទូរស័ព្ទ2គ្រឿង(samsung1គ្រឿង,nokiaចុចពិល1គ្រឿង)។ បច្ចុប្បន្នជនសង្ស័យបានឃាត់ខ្លួនសាកសួរបន្តតាមនីតិវិធី ដើម្បីបញ្ជូនទៅសាលាដំបូងចាត់ការតាមច្បាប់ ៕
