ឧត្តរមានជ័យ៖កាលពីវេលាម៉ោង១៨និង៤៥នាទីយប់ ថ្ងៃទី០៩ ខែកញ្ញា ឆ្នាំ២០១៦ មានករណីគ្រោះថ្នាក់ចរាចរណ៍ មួយបានកើតឡើងនៅលើដងផ្លូវជាតិលេខ៥៦A ស្ថិតនៅក្នុងភូមិគោកមន ឃុំគោកមន ស្រុកបន្ទាយអំពិល ខេត្តឧត្តរមានជ័យ រវាងម៉ូតូបុកនឹងគោយន្តកន្ត្រៃ បណ្តាលឲ្យរងរបួសយ៉ាងធ្ងន់ធ្ង។
សមត្ថកិច្ចប៉ូលិស សណ្តាប់ធ្នាប់ស្រុកបានអោយដឹងថា ជនរងគ្រោះ មានឈ្មោះ ផោន ផាន ភេទប្រុស អាយុ២៩ឆ្នាំ រស់នៅភូមិគោកស្វាយ ឃុំគោកមន ស្រុកបន្ទាយអំពិល ខេត្តឧត្តរមានជ័យ បានបើកម៉ូតូម៉ាកហុងដាឌ្រីមC125ពណ៍ខ្មៅសេរី២០១២ ពាក់ស្លាកលេខ ឧត្តរមានជ័យ2A.9081 បានបើកទៅបុកគោយន្តកន្ត្រៃពីក្រោយ បណ្តាលអោយរងរបួសធ្ងន់(មិនពាក់មួកសុវត្ថិភាព)ជនរងគ្រោះត្រូវបានបញ្ជូនទៅកាន់មណ្ឌលសុខភាពគោកមន ស្រុកបន្ទាយអំពិល។
រីឯអ្នកបើកគោយន្តកន្ត្រៃ ឈ្មោះ ឃ្លោក អៀប ភេទប្រុស អាយុ៦៣ឆ្នាំ រស់នៅភូមិកញ្ជៀប ឃុំគោកមន ស្រុកបន្ទាយអំពិល ខេត្តឧត្តរមានជ័យ។
សមត្ថកិច្ចប៉ូលិសសណ្តាប់ធ្នាប់ស្រុក បានបន្តទៀតថា នៅពេលបច្ចុប្បន្ន វត្ថុតាងទាំងពីរ បានយកមករក្សាទុកនៅអធិការដ្ឋាននគរបាលស្រុកបន្ទាយអំពិល រងចាំដោះស្រាយគ្នាទៅតាមនិតិវិធីច្បាប់៕
