ឧត្តរមានជ័យ៖ មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូនិងម៉ូតូជិះស្របទឹសគ្នានៅលើដងផ្លូវជាតិលេខ៦៨ ទល់មុខផ្លូវចូលសាលាអនុវិទ្យាល័យជើងទៀន ដោយមានទឹសដៅពីជើងទៅត្បូង បណ្តាលអោយរងរបួសធ្ងន់៣នាក់និងរបួសស្រាលម្នាក់។
ហេតុការណ៍ខាងលើកើតឡើងកាលពីវេលាម៉ោង៨និង២០នាទី ថ្ងៃទី១១ ខែកញ្ញា ឆ្នាំ២០១៦។សមត្ថកិច្ចចរាចរណ៍ស្រុក បានអោយដឹងថា ជនរងរបួសទាំង៤នាក់ខាងលើ ទី១ ឈ្មោះ សឿ តឿន ភេទប្រុស អាយុ៥៣ឆ្នាំរស់នៅភូមិជើងទៀន ឃុំជើទៀន ស្រុកចុងកាល់ ខេត្តឧត្តរមានជ័យ រងរបួសធ្ងន់ ជិះម៉ូតូម៉ាកវីវ៉ា ពណ៍ខ្មៅស្លាកលេខរដ្ឋ៣៦១១៦០០។ទី២ឈ្មោះ ឈើន គ្រួច ភេទប្រុស អាយុ៣១ឆ្នាំមុខរបរកងទ័ព នៅភូមិដងទង់ សង្កាត់កូនក្រៀល ក្រុងសំរោង ខេត្តឧត្តរមានជ័យ បើកម៉ូតូវេវ(S)គ្មានស្លាកលេខ រងរបួសធ្ងន់ អ្នករួមដំណើ០២នាក់ ទី១ឈ្មោះ មុជ ពេក ភេទប្រុស អាយុ៣២ឆ្នាំរស់នៅភូមិពង្រតាទ្រុង ឃុំប្រើ ស្រុកស្រីស្នំ ខេត្តសៀមរាប រងរបួសស្រាល។ទី២ឈ្មោះ ឡូ ពា ភេទប្រុស អាយុ០៦ឆ្នាំ រស់នៅភូមិពង្រតាទ្រុង ឃុំប្រើ ស្រុកស្រីស្នំ ខេត្តសៀមរាប រងរបួសធ្ងន់។សមត្ថកិច្ច បានអោយដឹងទៀតថា ជនរងគ្រោះត្រូវបានបញ្ជូនមកកាន់មណ្ឌលសុខភាព ស្រុកចុងកាល់ រីឯម៉ូតូទាំង២គ្រឿងខាងលើ សមត្ថកិច្ចយកទៅរក្សាទុកនៅអធិការដ្ឋាននគរបាលស្រុកចុងកាល់ រងចាំដោះស្រាយគ្នាទៅតាមនិតិវិធីច្បាប់៕
