ព្រះវិហារ៖ មនុស្សប្រុសស្រីចំនួន៥នាក់បានស្លាប់ និង៣នាក់ទៀតរងរបួសធ្ងន់ ក្នុងហេតុការគ្រោះថ្នាក់ចរាចរណ៍ កាលពីវេលាម៉ោង៩និង២០នាទីយប់ថ្ងៃទី១៥ ខែកញ្ញា ឆ្នាំ២០១៦ ត្រង់ចំណុចមុខវត្តត្រពាំងសង្កែរ ឋិតក្នុងភូមិ ត្រពាំងសង្កែរខាងកើត ឃុំរំដោះស្រែ ស្រុកជាំក្សាន្ត
ខេត្តព្រះវិហារ ។តាមប្រភពព័ត៏មានពីប្រជាពលនៅកន្លែងកើតហេតុបានឲ្យដឹងថា មុនពេលកើតហេតុរថយន្តម៉ាកតាកូម៉ា ពណ៏ទឹកប្រាក់ ពាក់ស្លាកលេខភ្នំពេញ ២z.១០.០៧ បានបើកបរទឹសដៅពីកើតទៅលិច ក្នុងល្បឿនលឿនលុះ មកដល់ចំណុចកើតហេតុខាងលើ ក៍បានបុកពីក្រោយម៉ូតូម៉ាកវ៉េវ១គ្រឿង ដែលធ្វើដំណើរស្របទឹសគ្នាពេញ ទំហឹង អូសប្រមាណជា៦០ម៉ែត្រ ពេលនោះរថយន្តតាកូម៉ាក៍បានជ្រុលទៅបុកនិងរថយន្តតូយ៉ូតាមួយគ្រឿងជិះគ្នា ៧នាក់ដែលធ្វើដំណើរបញ្ច្រាសទឹសគ្នា បុកចំពីមុខពេញទំហឹងបណ្តាលឲ្យមនុស្សប្រុសស្រី៣នាក់ ស្លាប់នៅនិង កន្លែង រីឯ២នាក់ទៀតបានស្លាប់ក្រោយពេលបញ្ជូនមកដល់មន្ទីពេទ្យ និងមនុស្ស៣នាក់ទៀតរងរបួសធ្ងន់ បាន បញ្ជូនទៅសង្គ្រោះនៅមន្ទីពេទ្យបង្អែក១៦មករា ក្រុងព្រះវិហារ ចំណែកឯអ្នកបើកបររថយន្តបង្ករបានរត់គេចខ្លួន បាត់ស្រមោលក្រោយពេលបង្កហេតុរួច ។
លោកអនុសេនីយ៍ទោ យឿម ឡំ នាយផ្នែកសណ្តាប់ធ្នាប់ចរាចរណ៍ស្រុកជាំក្សាន្តបានឲ្យដឹងថា ជនរង គ្រោះទី១ឈ្មោះ ចន វិបុល ភេទប្រុស អាយុ៤២ឆ្នាំ ទី២ឈ្មោះ កុយ គឹមសាន ភេទស្រី អាយុ៣៩ឆ្នាំ ទី៣ឈ្មោះ ណិត ធាយ៉ា កុមារី អាយុ១ឆ្នាំ ទី៤ ឈ្មោះ ចន សុខណា កុមារា អាយុ ១២ឆ្នាំ អ្នកទាំងបួនជាគ្រួសារតែមួយ និងទី៥ឈ្មោះ ស៊ំ នុច ភេទប្រុស អាយុ១៩ឆ្នាំ ជាម្ចាស់ម៉ូតូ ទាំង៥នាក់បានស្លាប់ ចំណែក៣នាក់ដែលរង របួសធ្ងន់ទី១ឈ្មោះ ចន គឹមសៀង កុមារា អាយុ៥ឆ្នាំ របួស បាក់ជើងស្តាំ ទី២ឈ្មោះ ចន សាបាន ភេទប្រុស អាយុ៤៦ឆ្នាំ និងទី៣ឈ្មោះ គិម សារុំ ភេទស្រី អាយុ៤៥ឆ្នាំ បាក់ដៃឆ្វេង អ្នកទាំង៨រស់នៅស្រុកជាំក្សាន្ត ខេត្តព្រះវិហារ ។ លោកថា
ចំពោះវត្ថុតាំងត្រូវបានធ្វើការវាស់វែងរួចយកទៅរក្សាទុក្ខនៅអធិការដ្ឋាននគបាលស្រុក ជាំក្សាន្ត រងចាំការស្រាវជ្រាវរកម្ចាស់រត់យន្តបង្ករមកដោះស្រាយនាពេលក្រោយ ៕
