បន្ទាយមានជ័យះ បុរសម្នាក់ត្រូវបានសមត្តកិច្ចចាប់ឃាត់ ខ្លួនពីបទដុតផ្ទះខ្លួនឯងឲ្យ ឆេះខ្ទេច ដោយខឹងនឹងឪពុកម្ដាយទៅភ្នំពេញ ទុកឲ្យខ្លួននៅម្នាក់ឯងគ្មានលុយទិញថ្នាំញៀ ន ជក់ ហេតុការណ៏នេះកើតឡើងនៅវេលាម៉ោង៩.៣០នាទីព្រឹកថ្ងៃទី១ មិថុនា២០១៤ នៅភូមិ និមិត្ត៤សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។ បុរសបឿរម៉ាដែលដុតផ្ទះមានឈ្មោះ មុំ វាសនា ភេទប្រុសអាយុ៣៤ឆ្នាំ រីឯម្ដាយឈ្មោះ យាយ ហ៊ីង ឪពុកឈ្មោះ កែន យ៉ា អាយុ ៥៤ឆ្នាំសព្វថ្ងៃនៅរកស៊ី នៅភ្នំពេញ ផ្ទះដែលឆេះមានទំហំ ៦ គុណ ៨ ម៉ែត្រ ធ្វើអំពីឈើប្រកសង្ក័ស្សី ជញ្ជាំង ក្ដា ក្រាលក្ដា ។
ប្រភពពីប្រជាពលរដ្ឋរស់នៅជិតកន្លែងកើតហេតុ បានឲ្យដឹងថា ផ្ទះ នេះសល់ពីសម័យសង្គ្រាមមកចាស់ទ្រុឧទ្រម ហើយម្ចាស់ជាឪពុកម្ដាយទៅរកស៊ីនៅភ្នំ ពេញពីយូឆ្នាំហើយ ទុកផ្ទះនិងកូនប្រុសបងគេឲ្យនៅចាំផ្ទះ ។
ប្រភបបានបន្តរទៀតថា កូនប្រុសឈ្មោះ មុំ វាសនា នេះ ជក់ថ្នាំញៀនរហូតបឿរ ហើយគ្មានលុយទិញថ្នាំជក់ ហើយទ្រពសម្បត្តិដែលមានត្រូវបានបុរសនេះបំផ្លា្ញអស់គ្មានសល់តែលើកនេះគ្មានលុយទិញថ្នាំញៀនជក់ហើយម្យ៉ាងខឹងនិងឪពុកម្ដាយមិនឲ្យខ្លួនទៅភ្នំពេញផងបានដុតផ្ទះនេះ២ទៅ៣ដងរួចហើយតែមានបងប្អូនបន្លត់ទាន់រហូត តែលើក នេះ បុរស
នេះបានប្រមូលឈើអុសដុត ពីខាងក្នុងផ្ទះទើបគ្មានអ្នកណាដឹងពេល ដែលដឹង ឃើញអណ្ដាតភ្លើងឆេះសន្ធោសន្ធៅទៅហើយពុំអាចមាននណាចូលទៅពន្លត់បាន ឡើយ ខណះពេលកំពុងឆេះមានបងប្អូនទូរសព្ទ័ហៅរថយន្តពន្លត់អាគ្គីភ័យមកដែរតែ ពេលមក ដល់ភ្លើងឆេះអស់ទៅហើយ ។
ប្រភពពីសមត្តកិច្ចបានឲ្យដឹងថា ក្រោយពីហេតុការកើតឡើង សមត្តកិច្ចបានទៅ ដល់កន្លែងកើតហេតុ ភ្លើងកំពុងឆេះខ្លាំងមិនអាចជួយពន្លត់បាន ឯបុរសដែលជាអ្នកដុត ក៏មិនអាចឃាត់ខ្លួនបានដោយនៅដៃមានកាន់កាំបិត រហូតដល់ម៉ោង១២ថ្ងៃត្រង់នាថ្ងៃ ដដែលទើបឃាត់ខ្លួនបាន បច្ចុប្បន្នជនសង្ស័យត្រូវបានសមត្តកិច្ចបញ្ជូនខ្លួនទៅកន្លែង អធិការដើម្បីសាសួរពីមូលហេតុ ដុតផ្ទះខ្លួនឯងនិងរង់ចាំឪពុកម្ដាយមកដោះស្រាយ ។ 
