ព្រះវិហារ៖ កម្លាំងមូលដ្ឋានកងរាជអាវុធហត្ថស្រុកជាំក្សាន្ត ខេត្តព្រះវិហារ បានឃាត់ខ្លួនជនសង្ស័យម្នាក់នៅវេលាម៉ោង ០១ និង៥នាទីថ្ងៃទី០៥ ខែតុលា ឆ្នាំ២០១៦ នៅចំណុចភូមិ
ឈើទាលគង ឃុំ.ស្រុកជាំក្សាន្ត ខេត្តព្រះវិហារ ដកហូត បានថ្នាំញៀន(ម៉ាទឹកកក)ចំនួន៣កញ្ចប់ធំ ១៩កញ្ចប់តូច និងWY១៨គ្រាប់ ។
លោកវរៈសេនីយ៍ត្រី ពេជ្រ សុភី មេបញ្ជាការមូលដ្ឋានកងរាជអាវុធហត្ថស្រុកបានឲ្យដឹងថា ជនសង្ស័យ មានឈ្មោះ កៅ សុង (ហៅចឹក) ភេទប្រុស អាយុ៥០ឆ្នាំ មានទីទំនៅភូមិកំពង់សំរោង ឃុំកំពង់សំរោង ស្រុកកំពត ខេត្តកំពត បច្ចុប្បន្នរស់នៅភូមិឈើទាលគង ឃុំ.ស្រុកជាំក្សាន្ត ខេត្តព្រះវិហារ មុខរបរជួញដូរ និងចែកចាយ សារធាតុញៀន ។
លោកមេបញ្ជាការបានបន្តថា ដោយសារមានកិច្ចសហការណ៍ល្អពីអាជ្ញាធរមូលដ្ឋាន និងក្រោមការ ដឹកនាំពីឯកឧត្តម ឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្ត លោកបានដឹកនាំកម្លាំង ចំនួន ០៧នាក់ រថយន្ត០៣គ្រឿង ចុះឃាត់ខ្លួន និងឆែកឆេ ផ្ទះស្នាក់នៅបណ្តោះអាសន្នរបស់ជនសង្ស័យខាងលើ លទ្ធផល ទទួលបានថ្នាំញៀនប្រភេទម្សៅក្រាមពណ៏សថ្លាចំនួន០៣កញ្ចប់ធំ ១៩កញ្ចប់តូច និងWYចំនួន១៨គ្រាប់ ទូរស័ព្ទដៃ ០១គ្រឿង លុយខ្មែរ៧០០០០៛ រួមទាំងថង់សំរាប់វេចខ្ចប់មួយចំនួនធំ ។
លោកថា ក្រោយពីកម្លាំងជំនាញបានសាកសួររួច និងនាំខ្លួនជនសង្ស័យទៅឃុំខ្លួនបណ្តោះអាសន្ន នៅទី ស្នាក់ការសន្តិសុខធម្មជាតិតេជោ ដើម្បីកសាងសុំនុំរឿងបញ្ជូនខ្លួនជនសង្ស័យ និងវត្ថុតាងទៅកងរាជអាវុធហត្ថខេត្ត ព្រះវិហារចាត់ការបន្តតាមនិត្តិវិធីច្បាប់ ៕
