បាជ័រៈ មន្ត្រីកងទ័ពបានឲ្យដឹងថា ជនសកម្មប្រយុទ្ធ១៦នាក់ និងទាហានរដ្ឋាភិបាលមួយនាក់ត្រូវបានគេសម្លាប់ក្នុងអំឡុងពេលនៃការប៉ះទង្គិចនៅក្នុងតំបន់កុលសម្ព័ន្ធភាគពាយព្យប្រទេសប៉ាគីស្ថាន។ ការវាយប្រហារនេះបានកើតឡើងនៅក្នុងស្រុក Bajaur ជាប់ព្រំដែនប្រទេសអាហ្វហ្គានីស្ថាននៅព្រឹកថ្ងៃសៅរ៍។
នេះបើតាមវេបសាយបរទេសផ្សាយកាលពីថ្ងៃសៅរ៍។ Bajaur គឺជាផ្នែកមួយនៃតំបន់កុលសម្ព័ន្ធពាក់កណ្តាលស្វយ័តទីប្រាំពីរនៃតំបន់ដែលគ្រប់គ្រងដោយរដ្ឋាភិបាលសហព័ន្ធកុលសម្ព័ន្ធ (FATA) នៃប្រទេសប៉ាគីស្ថាន។ ក្រុមអ្នកប្រយុទ្ធដែលត្រូវបានសម្លាប់នៅពេលពួកគេបានចូលប្រទេសប៉ាគីស្ថាន និងបានវាយប្រហារច្រកយោធាដោយបានសម្លាប់ទាហានម្នាក់ និងរងរបួសពីរនាក់ផ្សេងទៀត។
ទីភ្នាក់ងារព័ត៌មាន Associated Press បានដកស្រង់មន្ត្រីកងទ័ពប៉ាគីស្ថានមិនបញ្ចេញឈ្មោះបានឱ្យដឹងថា យោធាត្រូវបានគាំទ្រដោយគ្រឿងឧទ្ធម្ភាគចក្រ។ មន្ត្រីយោធាមួយផ្សេងទៀត បានបញ្ជាក់ថា ការវាយប្រហារ និងការស្លាប់និងរបួសដែលមិនអាច ត្រូវបានផ្ទៀងផ្ទាត់ ដោយ ឯករាជ្យ។ ទោះបីជាយ៉ាងណា ប្រតិបត្តិការយោធានៅក្នុងតំបន់នេះត្រូវបានបន្តនៅឡើយ នេះបើយោងតាមសេចក្តីរាយការណ៍នេះ៕
