ខេត្តព្រះសីហនុ៖ថ្លែងក្នុងពិធីសំណេះសំណាលជាមួយថ្នាក់ដឹកនាំនិងមន្ត្រីរាជការមន្ទីររៀបចំដែនដីនគរូបនីកម្មសំណង់និងសូរិយោដីខេត្តព្រះសីហនុកាលពីរសៀលថ្ងៃទី១៤ ខែតុលា ឆ្នាំ២០១៦ ឯឧ យន្ត មីនអភិបាលខេត្តព្រះសីហនុបានបញ្ជាក់ថា៖សំណង់គ្មានច្បាប់និងសំណង់រំលោភច្បាប់នៅខេត្តព្រះសីហនុគិតមកដល់ខែតុលាឆ្នាំ២០១៦នេះមានរហូតដល់៧១%។
ឯឧ អភិបាលខេត្តបានបន្តថា៖មូលហេតុនាំអោយមានការរំលោភច្បាប់
ដល់ថ្នាក់នេះគឺបណ្តាលមកពីមនុស្សតែពីរក្រុមទេ,ទី១គឺម្ចាស់សំណង់និងទី២គឺមន្ត្រីជំនាញ
សូរិយោដីតែម្តងមិនទាន់បានបំពេញការងារដោយយកច្បាប់ជាគោល។
ឯឧយន្ត មីន ក៏បានក្រើនរំលឹកនិងព្រមានធ្ងន់ៗដល់មន្ត្រីជំនាញពាក់ពន្ធ័ទាំងឡាយដែលជាប់
ពាក់ពន្ធ័ក្នុងបញ្ហានេះត្រូបញ្ឈប់ជាបន្ទាន់និងត្រូវរួមគ្នាខិតខំដោះស្រាយនិងបំពេញការងារដោយអនុវត្តតាមច្បាប់ជាគោលកុំអាងអំណាចឬខ្លាចអំណាចខាងនេះខាងនោះអោយសោះព្រោះប្រទេសមានច្បាប់។មួយវិញទៀតមន្ត្រីជំនាញខ្លួនឯងកុំចេះតែស៊ីផ្តេសផ្តាសប្រយត្ន័កើតរោគ។
គួរបញ្ជាក់ផងដែរថា បញ្ហាខាងលើនេះបើតាមប្រភពសុំមិនបញ្ចេញឈ្មោះលួចខ្សឹបប្រាប់ថា៖
សំណង់រំលោភច្បាប់ទាំងនេះភាគច្រើនគឺបានបន្សល់ទុកមកពីថ្នាក់ដឹកនាំជំនាន់មុនៗ។
បញ្ហានេះបានបន្សល់នូវភាពស្មុគស្មាញជាខ្លាំងរហូតដល់បច្ចុប្បន្ននេះ។
ទោះបីជាយ៉ាងនេះក្តីលោកអភិបាលខេត្តព្រះសីនុថ្លែងដោយមានការតាំងចិត្តយ៉ាងមុតមាំថានឹងជំរុញសំណង់ខុសច្បាប់ទាំងឡាយនោះត្រូវរត់រកច្បាប់ត្រឹមត្រូវនិងស្នើដល់មន្ត្រីជំនាញពាក់ពន្ធ័ទាំងឡាយត្រូវសហការរគ្នាបំពេញភារកិច្ចអោយបានល្អឡើងដោយយកច្បាប់ជាគោល៕
