មណ្ឌលគិរី ថ្មីៗនេះក្រុមមនុស្សមួយចំនួននៅក្នុងខេត្តមណ្ឌលគិរីហាក់មានប្រតិកម្មដូចគ្នានិងក្រុមមនុស្សនៅខេត្តស្ទឹងត្រែង ខណះ ដែលបានផ្ទុះកំហឹងតែជាមួយសមត្ថកិច្ចជំនាញដែលចុះបង្ក្រាបឈើប្រណិតរបស់ពូកគេនៅក្នុងភូមិ។ជាក់ស្តែង នៅ ល្ងាចថ្ងៃទី២៩ឧសភា២០១៤កន្លងទៅក្រុមមនុស្សដែលមានគ្នាច្រើននាក់បានធ្វើការដុតភ្លើងផ្តាច់ស្ពានឈើ ដើម្បីរា រាំង សមត្ថកិច្ចចំរុះដឹកនាំដោយព្រះរាជអជ្ញារង សោ វុទ្ធី ចុះអនុវត្តន៏ច្បាប់ប្រមូលឈើ ដែលដាក់រាយប៉ាយ នៅក្នុងភូមិ ឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី។
នៅពេលសមត្ថកិច្ចចុះអនុវត្តន៏ច្បាប់បង្ក្រាបបទល្មើសព្រៃឈើនោះត្រូវគេមើលឃើញថា តែងតែមាន ក្រុម មនុស្ស មួយចំនួនចេញមកតវ៉ានិងដណ្តើមយកឈើទៅវិញ ដែលកន្លងមកក៏ធ្លាប់កើតមានឡើងនៅខេត្តស្ទឹងត្រែង ដោយមនុស្សទាំងនោះបានលើកគ្នាមកវាយសោររបង ដើម្បីដណ្តើមយកឈើប្រណិត និងសម្ភារះត្រឡប់ទៅវិញ ដោយសំអាងថា ពូកគេជាប្រជាពលរដ្ឋដែលរកស៊ីបន្តិចបន្តួច។ចំណែកករណីស្រដៀងគ្នានេះដែរបានកើតឡើងនៅ ខេត្តមណ្ឌលគិរីវិញម្តងដោយក្រុមមនុស្សជាច្រើននាក់ នៅក្នុងសង្កាត់សុខដុមបានព្យាយាមដុតភ្លើង រារាំងមិនអោយ សមត្ថកិច្ច ចុះទៅប្រមូលរឹបអូសឈើដែលពូកគេទុកលាក់នៅក្នុងភូមិឡៅការនោះទេ។
ក្រុមមនុស្សទាំងនោះនិយាយថា ពួកគេជាប្រជាពលរដ្ឋរស់នៅក្នុងតំបន់ខាងលើបានចូលព្រៃដើម្បីកាប់ឈើ យកមកធ្វើផ្ទះខ្លះ និងខ្លះទៀតយកទៅលក់ដើម្បីដោះស្រាយជីវភាពប្រចាំថ្ងៃ ។
ពូកគេថា ការដែលរារាំងនេះ ដោយ សារមិនសុខចិត្ត ព្រោះថារថយន្តធំៗដឹកឈើគគ្រឹកគ្រេងសមត្ថកិច្ចមិនចាប់ទេ បែរជាមកចាប់ពួកគេដែលដឹកបន្តិចបន្ទួចតាមរយៈម៉ូតូទៅវិញ ធ្វើដូចនេះតើអោយពួកគេ ដោះស្រាយបញ្ហាជីវភាពគ្រួសារដោយរបៀបណា បើព្រៃឈើអាស្រ័យផល និងការបរបាញ់សត្វ រកជ័រទឹក ស្រែចំការវិលជុំ លែងមានទៀតហើយសំរាប់ពួកគេនោះ ។ក្នុងនោះដែររថ យន្តយីឌុប ចេញពីក្នុងក្រុមហ៊ុនចំការកៅស៊ូ ក្នុងភូមិឡៅកាដែរ មួយថ្ងៃៗជាង១០ គ្រឿង ផ្ទុកឈើពេញដល់ដំបូលម្តេច មិនបង្ក្រាបផង។
សមត្ថកិច្ចបានឲ្យដឹងដែរថា ការចុះបង្ក្រាបនេះដោយសារឈើទាំងនោះទុករាយប៉ាយបើកចំហយ៉ាងអនាធិប្ប តេយ្យ ហាក់ដូចជាមិនទុកសមត្ថកិច្ចក្នុងកែវភ្នែកសោះ ទើបកម្លាំងចម្រុះចុះមកប្រមូលយកមកដោះស្រាយតាមច្បាប់យ៉ាងដូច្នេះ ។ សមត្ថកិច្ចបន្តថា ចំណែក រថយន្តដឹកឈើមួយចំនួនដែលសមត្ថកិច្ចមិនបានបង្ក្រាបនោះ ព្រោះគេធ្វើតាមច្បាប់ត្រឹមត្រូវ ។
សមត្ថកិច្ចបានថា ការចុះបង្ក្រាបនេះមានការប៉ះទង្គិចបន្តិចបន្តួច ខណៈដឹកឈើទាំងនោះចេញត្រូវបានគេយកសាំងដុតឃាំងផ្លូវ តែមិនបណ្តាលអោយនរណាម្នាក់រងរបួសនោះទេ ។ហើយឈើប្រណិតទាំងនោះ ត្រូវបានបញ្ជូនទៅរក្សាទុកនៅស្នាក់ការជំនាញរដ្ឋបាលព្រៃឈើខេត្ត។
គួររំលឹងដែរថា ឯកឧត្តមអភិបាលរងខេត្តមណ្ឌលគិរី យឹម លុច្ស បានថ្លែងកាលពីថ្ងៃទី២៨ ខែមេសា ក្នុងពិធីដោះស្រាយបញ្ហាជម្លោះដី ធ្លីជាមួយក្រុមហ៊ុននិងការបាត់បង់ព្រៃឈើដែលជាតំរូវការ ចាំបាច់របស់ជាជនជាតិដើមភាគតិចព្នងនៅសាលាខេត្តថា ការកាប់ព្រៃឈើររបស់ប្រជាពលរដ្ឋយកមកធ្វើលំនៅដ្ឋាន ឬដោះស្រាយជីវភាពនោះ មិនមានការហាមឃាត់នោះទេ៕
