ស្ទឹងត្រែង៖ឪពុកកូន២នាក់ ធ្វើដំណើរចេញពីខេត្តសៀមរាប ឆ្លងកាត់ជាច្រើនខេត្ត ក្នុងគោលបំណងត្រឡប់ទៅគេហដ្ឋានវិញ នៅឯខេត្តព្រៃវែង តែអ្វីគួរឱ្យសោកស្តាយនោះ គ្រាន់តែហែសតែមួយពព្រិចភ្នែសោះ រថយន្តហ្វតស៊េរីទំនើប០១៤ បានក្រឡាប់ជាច្រើនត្រឡប់ ធ្វើឱ្យឪពុកជាទីស្រឡាញ់របស់ខ្លួនផ្លោងចេញពីរថយន្ត បោកក្បាលនិងថ្នល់ស្លាប់ភ្លាមៗនៅនិងកន្លែងតែម្តង។
ករណីគ្រោះថ្នាក់ចរាចរណ៍ដោយសារតែការធ្វេសប្រហែសបណ្តាលឱ្យឪពុកជាទីស្រឡាញ់របស់ខ្លួនរហូតដល់បាត់បង់ជីវិតនេះបានកើតឡើងនៅវេលាម៉ោង៦និង១៥នាទីព្រឹកថ្ងៃទី០១ខែមិថុនាឆ្នាំ២០១៤នៅចំនុចជិតភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។
មន្ត្រីនគរបាលប៉ុស្តិ៍រដ្ឋបាលឃុំសំអាងបានឱ្យដឹងថាជនរងគ្រោះដែលបានជួបឧបទ្ទវហេតុគ្រោះថ្នាក់ចរាចរនោះមានឈ្មោះបន ឧត្តមភេទប្រុសអាយុ២០ (កូន)ជាអ្នកបើកបររងរបួសស្រាល និងឪពុកស្លាប់មានឈ្មោះម៉ៃ ស្រស់ ភេទប្រុសអាយុ៤០ឆ្នាំ ឪពុកកូនទាំង២នាក់ មានទីលំនៅក្នុងភូមិ ឃុំព្រៃខ្លា ស្រុកស្វាយអន្ទរ ខេត្តព្រៃវែង។
មន្ត្រីនគរបាលប៉ុស្តិ៍បានបន្តអោយទៀតថា បើតាមការរៀបរាប់របស់បន ឧត្តមត្រូវជាកូនជនរងគ្រោះបាននិយាយថារូបគេជាអ្នកបើករថយន្តរួមជាមួយឪពុករបស់គេ ចេញពីខេត្តសៀមរាប ដោយឆ្លងកាត់ខេត្តព្រះវិហារ តាមផ្លូវជាតិលេខ៩ឆ្ពោះមកខេត្តស្ទឹងត្រែង និងបន្តទៅខេត្តរបស់ខ្លួន តែដោយសារចេញពីខេត្តសៀមរាប ពីយប់អត់ងងុយមកដល់ចំនុចកើតហេតុ ប្រហែសតែមួយពព្រិចភ្នែក រថយន្តក៏បានរេចង្កូត ក្រឡាប់ជាច្រើនត្រឡប់ ឪពុកមិនបានដាក់ខ្សែក្រវ៉ាត់ បានផ្លោងចេញតាមកញ្ចក់ រថយន្តបោកក្បាលនិងថ្នល់ស្លាប់ភ្លាមៗតែម្តង។រីឯកូនជាអ្នកបើកបរដាក់ខ្សែក្រវ៉ាត់បានរួចពីសេចក្តីស្លាប់។
ប្រជាពលរដ្ឋដែលបានឃើញហេតុការនេះបានលើកឡើងថាការបើកបរនេះគ្រាន់តែធ្វេសប្រហែសតែមួយពព្រិចភ្នែកសោះ ឪពុកជាទីស្រឡាញ់របស់ខ្លួនបានបាត់បង់ជីវិត រថយន្តដែលមានតម្លៃរាប់ម៉ឺនដុល្លាក៏ត្រូវខាត់បង់ទាំងស្រុង ទោះជាកូនខំយំសោកស្តាយយ៉ាងណានោះ អ្វីៗក៏ហួសពេលដែរ។ហេតុដូច្នេះ អ្នកបើកបរគួរតែប្រុងប្រយ័ត្ន និងត្រូវនាំគ្នាចូលរួមគោរពចរាចរ បើមិនដូច្នេះទេនោះអាចនិងជួបគ្រោះថ្នាក់ដូចករណីខាងលើនេះអញ្ចឹង។
ក្រោយកើតហេតុនគរបាលប៉ុស្តិ៍បានចុះមកធ្វើការវាស់វែងយករថយន្តទៅរក្សាទុកនៅប៉ុស្តិ៍រដ្ឋបាលឃុំសំអាងដើម្បីចាត់ការតាមនីតិវិធី។រីឯសាសពត្រូវបានកូនរបស់ជនរងគ្រោះទូរស័ព្ទរកក្រុមគ្រួសារ ដើម្បីដឹកទៅកាន់ស្រុកកំណើតធ្វើបុណ្យទៅតាមប្រពៃណី៕
