កំពង់ធំៈ ក្រៅពីការងារស្នូលរបស់អង្គភាព ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងជាប្រធានសមាគមនអតីតយុទ្ធជនកម្ពុជា ខេត្តកំពង់ធំ បានយកចិត្តទុកដាក់ ពីការងារមនុស្សធម៌ដោយមិនគិត ពីការនឿយហត់ ឬថ្ងៃសៅរ៍ ថ្ងៃអាទិត្យ បានបន្តចុះសួរសុខទុក្ខ ពិនិត្យស្ថានភាពនិងជីវភាពរស់នៅរបស់គ្រួសារអតីតយុទ្ឋជន និងប្រជាពលរដ្ឋដែលជួបការលំបាក។
ជាក់ស្តែងនៅថ្ងៃទី១៨ ខែតុលា ឆ្នាំ ២០១៦ ឧត្តមសេនីយ៍ត្រី សោម ស៊ុន ប្រធានសមាគមនអតីតយុទ្ធជនកម្ពុជា ខេត្តកំពង់ធំ រួមទាំងសហការី បានចុះសួរសុខទុក្ខគ្រួសារអតីតយុទ្ឋជនដែលបានពលីជីវិតដោយសារបុព្វហេតុជាតិ មាតុភូមិ ចំនួន ៧គ្រួសារ ក្នុងនោះមានគ្រួសារអតីតយុទ្ឋជនពលី ឈ្មោះ ឱក សារិន រស់នៅភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ បានផ្តល់ជូនគាត់នូវ អង្ករចំនួន25គីឡូក្រាម មីយើងមួយកេស ទឹកបរិសុទ្ឋមួយកេស និងថវិកាចំនួន៥ម៉ឺនរៀល និង 6គ្រួសារទៀតដែលបានអញ្ជើញមកពី6ភូមិក្នុងឃុំបន្ទាយស្ទោង ដែលជួបនឹងភាពខ្វះខាតក្នុងជីវភាពរស់នៅប្រចាំថ្ងៃ បានផ្តល់ជូនសរុបមាន អង្ករ150គីឡូក្រាម មីយើង6កេស ទឹកបរិសុទ្ឋ 6កេស ទឹកត្រី6យួរ ទឹកស៊ីអ៊ីវ 6យួរ និងថវិកាចំនួន 300.000រៀល ។
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ថា ការចុះសួរសុខទុក្ខនេះ គឺមិនសំដៅតែអតីតយុទ្ធជននោះទេ គឺប្រជាពលរដ្ឋណាក៏ដោយអោយតែមានការខ្វះខាត តែងតែចុះជួយដោយមិនទុក្ខឲ្យឯកការម្នាក់ឯងនោះទេ ហើយក៏មិនទុក ឲ្យប្រជាពលរដ្ឋណាម្នាក់ដាច់ពោះស្លាប់ ដោយសារមិនបានយកចិត្តទុកដាក់ពីអាជ្ញាធរ ដោយមានការគាំទ្រ និងចង្អុលបង្ហាញពី ឯកឧត្តម អ៊ុត សំអនអភិបាលខេត្តកំពង់ធំ និងជាប្រធានគណៈបញ្ជាការឯកភាពខេត្តកំពង់ធំ បានផ្តាំផ្ញើរឲ្យកងកម្លាំងអាជ្ញាធរ ផ្សារភ្ជាប់ជាមួយនឹងប្រជាពលរដ្ឋ និងមើលថែរប្រជាពលរដ្ឋដូចជាឪពុកម្តាយបង្កើត និងចូលរួមការពារសុវត្តិភាពជូនប្រជាពលរដ្ឋឲ្យមានសេចក្តីសុខបំផុត។
ក្នុងឳកាសនោះដែរ ឯកឧត្តម ឧត្តមសេនីយ៍ត្រី សោម ស៊ុន បានផ្តាំផ្ញើរដល់ក្រុមគ្រួសារកងទ័ព និងប្រជាពលរដ្ឋទាំងអស់ ថែរក្សាសុខភាពក្នុងរដូវទឹកជំនន់នេះ អាចនឹងឆ្លងរាតល្បាតជំម្ងឺផ្សេងៗបាន និងការពារក្មេងៗ មនុស្សចាស់ សត្វចិញ្ចឹម គោ ក្របី ជ្រូកមាន់ទា ដើម្បីបញ្ច្រៀសពីការគ្រោះថ្នាក់និងការបាត់បងខូចខាត ដោយសារតែខ្វះការប្រុងប្រយ័ត្ន ។
ដោយ ប៊ុន រដ្ឋា
