កំពង់ឆ្នាំង៖ ទោសទណ្ឌរបស់ជនប្រព្រឹត្តបទល្មើសនេសាទ ក្នុងច្បាប់ស្តីពីជលផលបានចែងថា៖ អ្នកឆក់ត្រីនិងផ្តន្ទាទោសដាក់គុកពី៣ឆ្នាំទៅ៥ឆ្នាំហើយក្នុងឆ្នាំ២០១៤នេះមានអ្នកជាប់គុក១៤នាក់ហើយ។ នេះជាការលើកឡើង របស់លោក សោម ភិរុណ នាយខណ្ឌរដ្ឋបាលជលផលកំពង់ឆ្នាំង កាលពីព្រឹកថ្ងៃទី២៨ ខែឧសភា ឆ្នាំ២០១៤ នៅសាលាឃុំអំពិលទឹក ស្រុកកំពង់ត្រឡាច ក្នុងពេលផ្សព្វផ្សាយច្បាប់ស្តីជលផល ដើម្បីទប់ស្កាត់បទល្មើសនេសាទ ក្នុងរដូវបិតការនេសាទ ដែលមានប្រជាពលរដ្ឋជាប្រជានេសាទក្នុងឃុំជិត១០០នាក់ចូលរួម ស្តាប់និងមានសាកសួរពីចម្ងល់របស់ពួកគាត់ផងដែរ។
នៅក្នុងការផ្សព្វច្បាប់ជលផល និងគោលនយោបាយភូមិឃុំរឹងមាំមានសុវត្តិភាពនេះ មានការចូល រួមពីលោក សួន សុខារិទ្ធី អភិបាលរងស្រុក លោក សោម ភិរុណ នាយខណ្ឌរដ្ឋបាលជលផលកំពង់ឆ្នាំង មន្ត្រីអង្គការហ្វិច អាជ្ញាធរភូមិ ឃុំ និងសមត្ថកិច្ចនៅក្នុងមូលដ្ឋានជាច្រើននាក់ផងដែរ។
លោក ឯក ចំរើន មន្ត្រីអង្គការសម្ពន្ធ័ភាពដើម្បីអភិរក្សធនធានជលផល(ហ្វិច) បាននិយាយថា៖អង្គការលោក មិនបំរើនយោបាយឡើយ គឺសហការជួយថ្នាក់ក្រោមជាតិពិសេសគឺលើវិស័យជលផល លើការងារដឹកនាំអភិបាលកិច្ចល្អរបស់ភូមិឃុំ កិច្ចការពារវិស័យជលផលគឺជាភារកិច្ចរបស់ប្រេជាពលរដ្ឋគ្រប់រូប អាជ្ញាធរនិងមន្ត្រីជំនាញគ្រប់លំដាប់ថ្នាក់ ព្រោះធនធានជលផលគឺជារបស់យើងគ្រប់គ្នា។
លោក សោម ភិរុណ នាយខណ្ឌរដ្ឋបាលជលផលកំពង់ឆ្នាំង បានលើកឡើងថា៖ ក្នុងឃុំអំពិលទឹក កាលពីរដូវបិតនេសាទឆ្នាំ២០១៣ សមត្ថកិច្ចបានបង្ក្រាបបទល្មើសនេសាទរបាំងលូស្បៃមុងបានជាង២០០ករណី និងក្នុងដើមឆ្នាំ២០១៤នេះមន្ត្រីនគរបាលប៉ុស្តិរដ្ឋបាល២នាក់ត្រូវបានស្លាប់ដោយជនល្មើសឆក់ត្រីបានបុកពន្លិចកាណូតក្នុងពេលប្រតិបត្តការណ៍ចាប់អ្នកឆក់ត្រីពេលយប់។ ព្រោះតែហេតុនេះទើប មុនពេលបិតនេសាទក្នុងឆ្នាំនេះ រដ្ឋបាលជលផល បានមកផ្សព្វផ្សាយច្បាប់ជលផល និងទោសទណ្ឌនៃ អំពើល្មើសនេសាទអោយប្រជានេសាទទាំងអស់ជ្រួបជ្រាប ដើម្បីកុំអោយប្រឈមនឹងការចាប់ខ្លួនរបស់សមត្ថកិច្ច។ លោក បានលើកបញ្ជាក់យ៉ាងច្បាស់ថា៖ក្នុងច្បាប់អ្នកឆក់ត្រីត្រូវជាប់គុកពី៣ឆ្នាំទៅ៥ឆ្នាំហើយក្នុងឆ្នាំនេះមានអ្នកជាប់គុក១៤នាក់ហើយ។
ចំណែក អ្នកដាក់សម្រាស់មានទោស៣ត្រួត ១ពេលកាប់ព្រៃលិចទឹកមានទោស១ ពេលដឹកសម្រាស់មានទោស១ និងពេលហ៊ុំសម្រាស់មានទោស១ទៀត ហើយទោសនិមួយៗត្រូវដាក់គុកពី១ឆ្នាំទៅ៣ឆ្នាំបើបូកចូលគ្នាត្រូវជាប់គុក៩ឆ្នាំ។ អ្នកឈូសឆាយព្រៃលិចទឹកមានទោសពី១ឆ្នាំទៅ៣ឆ្នាំ និងផាកពិន័យពី៥លានទៅ៥០លានរៀល គ្រឿងចក្រត្រូវដកហូតជាសម្បត្តិរដ្ឋុ។ អ្នកដាក់របាំងសាច់អួននិងលបលូស្បៃមុង ក៏មានទោសពី១ឆ្នាំទៅ៣ឆ្នាំនិងផាកពិន័យប្រាក់ដូចគ្នាដែរ ។
ការចិញ្ចឹមត្រីឆ្តោរ ក៏ច្បាប់ហាមឃាត់ដែរ អ្នកជំនាញបានសិក្សាឃើញថា ត្រីឆ្តោរទម្ងន់១គីឡូវាត្រូវស៊ីកូនត្រីអស់៧,៥០គីឡូ ហើយកូនត្រីជាចំណីវា១គីឡូថ្លៃ២០០០រៀល ៧គីឡូត្រូវចំណាយលុយទិញអស់១៥០០០រៀល នៅពេលគេយកត្រីឆ្តោរនោះទៅលក់នៅទីផ្សារគឺបានថ្លៃតែ១គីឡូ ៨០០០រៀលប៉ុណ្ណោះ ហេតុនេះហើយទើបរដ្ឋមិនអោយចិញ្ចឹម។
បើមានការចិញ្ចឹមត្រីឆ្តោរពិតជាមានបទល្មើសដាក់ស្បៃមុងចាប់កូនត្រីជាមិនខានឡើយ។ ប្រជានេសាទបានសួរថា៖ ខេត្តកំពង់ឆ្នាំង និងខេត្តកំពង់ចាម ព្រុំប្រទល់ស្រុកបាធាយជាប់និងឃុំអំពិលទឹក មានបទល្មើសច្រើនជាងខេត្តកំពង់ឆ្នាំងទៀត ម្តេចមិនឃើញមានជំនាញជលផលគេបង្ក្រាប។
ទាក់ទងនិងសំនួរនេះ លោកសោម ភិរុណ បានឆ្លើយថា៖ ឃើញគេធ្វើខុសកុំចង់ធ្វើដូចគេ បើគេជាប់គុក តើយើងចង់ជាប់គុកដូចគេដែរឬ។ ករណីនេះលោកនិងធ្វើរបាយការណ៍ជូន ឯឧត្តមប្រធាបរដ្ឋបាលជលផលអោយបានជ្រាបដើម្បីមានវិធានការណ៍។ ក្នុងនោះដែលលោក ក៏បានផ្សព្វផ្សាយអំពីការណ៍អនុញ្ញាតិ អោយប្រើប្រាស់ឧបករណ៍ក្នុងរដូវបិតនេសាទ និងរដូវបើកការនេសាទអោយប្រជានេសាទយើយបានជ្រាបច្បាស់ ដើម្បីកុំអោយប្រឈមនិងការបង្ក្រាបពីសមត្ថកិច្ច។
លោក សោម ភិរុណ បានអោយដឹងទៀតថា៖ នៅក្នុងសប្តាហ៍ទី៤ ខែនេះ ក្នុងពេលផ្សព្វផ្សាយ ច្បាប់ប្រជានេសាទយើងមួយចំនួនបានភ្ញាក់រលឹក ហើយបានប្រគល់អាំងវ៉ាត់ទ័រឆក់ត្រីបានចំនួន៣៨គ្រឿ ងជូនសមត្ថកិច្ចដុតបំផ្លាញចោល ជាក់ស្តែងក្នុងថ្ងៃនេះក៏មានអាំងវ៉ាត់ទ័រ៧គ្រឿងត្រូវប្រជានេសាទយើងប្រគលអោយយកមកដុតចោល ផងដែរ។
បន្ទាប់មកក្នុងឱកាសនោះដែរ លោក សួន សុខ្ខារិទ្ធី អភិបានរងស្រុកកំបង់ត្រឡាច ក៏បានបកស្រា យពន្យល់អំពីការអនុវត្តន៍គោលនយោបាយភូមិឃុំសុវត្តិភាពទាំង៩ចំណុច ដល់ប្រជាពលរដ្ឋ អោយកាន់ទេយល់ច្បាស់ដើម្បីសហការគ្នាជាមួយអាជ្ញាធរ និងសមត្ថកិច្ចក្នុងមូលដ្ឋាន ការពារសណ្តាប់ធ្នាប់ សន្តិសុខ និងភាពរស់នៅដ៏សុខសាន្តជូនប្រជាពលរដ្ឋយើយឪងក្នុងមូលដ្ឋាន៕
