សៀមរាប ៖ ជនសង្ស័យភេទប្រុសទាំង៣នាក់នេះនិងវត្ថុតាងរួមមានគ្រឿងញៀនខុសច្បាប់ប្រភេទម្សៅមេតំហ្វេតាមីន ហៅ ម៉ាទឹកកក ចំនួន ៧ កញ្ចប់តូច និងឩបករណ៍ច្នៃជក់គ្រឿងញៀនមួយចំនួនទៀតត្រូវបានសមត្ថកិច្ចធ្វើការដកហូតបានពីជនសង្ស័យទាំងបីនាក់នេះរួចយកមកកាន់ការិយាល័យនគរបាលជំនាញដើម្បីការសួនាំ ។
លោកវរសេនីយ៍ឯក អ៊ុំ អមរា ស្នងការរងនិងជាប្រធានការិយាល័យកណ្តាលនគរបាលប្រឆាំងបទល្មើសនិងលោកវរសេនីយ៍ត្រី អ៊ុំ សាអាត នាយការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបដោយអនុវត្តជាប្រចាំតាមបញ្ជាលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធភាពថ្វេដងផងនោះ ។
សមត្ថកិច្ចយើងបានឲ្យដឹងថាជាក់ស្តែងកាលពីថ្ងៃទី៣១ខែឩសភាឆ្នាំ២០១៤កន្លងទៅនេះកម្លាំងការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានសហការណ៍ជាមួយកម្លាំងប៉ុសិ៍្តនគរបាលរដ្ឋបាលសង្កាត់ស្លក្រាម ក្រុងសៀមរាប និង កម្លាំងនគរបាលការ ពារ និងអន្តរាគមន៍ ក៏ដូចជាប្រជាការ ពារ ភូមិ សង្កាត់ ផងនោះ តាមដានស្រាវជ្រាវនិងឈានដល់ការចាប់ឃាត់ខ្លួនជនសង្ស័យទាំង៣នាក់នេះបានជាបន្តបន្ទាប់នៅក្នុងភូមិបឹងដូនប៉ា សង្កាត់ស្លក្រាម ក្រុងសៀមរាបព្រមទាំងវត្ថុតាងទាំងអស់នេះរួចយកមកកាន់ការិយាល័យជំនាញតែម្តងជាប់ពាក់ព័ន្ធក្នុងករណីប្រើប្រាស់និងជួញដូរនូវសារធាតុញៀនខុសច្បាប់។
ក្នុងកិច្ចចុះប្រតិបត្តិការណ៍ខាងលើសមត្ថកិច្ចបានបន្តឲ្យដឹងទៀតថាបន្ទាប់ពី សមត្ថកិច្ចជំនាញបានធ្វើការចាប់ឃាត់ខ្លួនជនសង្ស័យទាំង៣នាក់នេះព្រមទាំងវត្ថុតាងទាំងអស់បានហើយនោះនៅមុខសមត្ថកិច្ចជនសង្ស័យបានឆ្លើយសារភាពថាពួកគេពិតជាបានប្រព្រត្តឹនៅករណីទាំងអស់ខាងលើពិតប្រាកដមែនដោយបច្ចុប្បន្ននេះទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយកាលពីថ្ងៃទី០២ខែមិថុនាឆ្នាំ២០១៤នេះដើម្បីចំណាត់ការទៅតាមនិតិវិធីបន្ត ៕ ដោយ លោក ខេង ខេមរា
