ខេត្តព្រះសីហនុ៖ប្រជាពលរដ្ឋជាច្រើគ្រួសារដែលកំពុងរស់នៅតំបន់ក្បាលឆាយចំណុចក្បែរ
ពន្ធនាគារខេត្តព្រះសីហនុថ្មី ស្ថិតក្នុងក្រុម១៦ ភូមិ១ សង្កាត់១ ក្រុងព្រះសីហនុខេត្តព្រះសីហនុបានសំដែងការព្រួយបារម្ភខ្លាចបាត់បង់ជំរកនិងដីធ្លីរបស់ខ្លួន ខណៈ លោក លឹម សំអឿន ដែលបានអះអាងថាជាតំណាងលោកស្រី សម រ៉ាវី បានចោទក្រុមប្រជាពលរដ្ឋថាបាននាំគ្នាមកទន្ទ្រាននិងសង់ផ្ទះនៅលើចំណែកដីលោកស្រី សម រ៉ាវី ហើយបានប្រើប្រពន្ធ័តុលាការចោទទៅលើក្រុមប្រជាពលរដ្ឋខាងលើថាប្រើហឹង្សាទៅលើ
អ្នកកាន់កាប់ដោយសុច្ចរិត តាមមាត្រា២៥២ នៃច្បាប់ភូមិបាល។
ជុំវិញករណីទំនាស់រវាង លោកស្រី សម រ៉ាវី និងប្រជាពលរដ្ឋខាងលើនេះត្រូវបានកើតឡើង
ច្រើនឆ្នាំមកហើយដែរ។រហូតមកដល់ពេលនេះនៅតែមិនទាន់លទ្ធផលជាផ្លូវការនៅឡើយដែរ។
ព្រោះភាគីទាំងពីរសុទ្ធតែមានអំណះអំណាងរៀងៗខ្លួន។ភាគីលោកស្រី សម រ៉ាវី ថាដីគាត់មានប្លង់ត្រឹមត្រូវ។
ចំណែកភាគីខាងប្រជាពលរដ្ឋថាដីដែលពួកគាត់បាននឹងកំពុងរស់នៅសព្វថ្ងៃនេះគឺជាដីរដ្ឋស្ថិតក្នុងដីអនុក្រិត្យលេខ៧៦ទៅវិញ។
ក្រុមប្រជាពលរដ្ឋទាំងនោះបានអះអាងទៀតថា ពួកគាត់បានរស់នៅទីនេះជាង១០ឆ្នាំមកហើយ។
មូលហេតុដែលពួកគាត់មកចាប់ដីនៅទីនេះដោយសារតែ៖
ទី១ពួកគាត់ក្រីក្រគ្មានដីសង់ផ្ទះនៅ។
ទី២ទីនោះជាដីរដ្ឋគឺជាណែកដីអនុក្រិត្យលេខ៧៦(តំបន់ក្បាលឆាយ) ។
ពួកគាត់សំណូមពរដល់សម្តេចតេជោសែននិងសម្តេចកិត្តិព្រឹទ្ធបណ្ឌិតប៊ុន រ៉ានី មេត្តាជួយអន្តរាគមន៏ដល់ពួកគាត់ជាប្រជាជនក្រីក្រផង។
ចំណែកលោក លឹម សំអឿន តំណាងលោស្រី សម រ៉ាវី បានអះអាងថាដីរបស់គាត់មានទំហំ១៦ហិចតា មានប្លង់រឹងត្រឹមត្រូវតែប្រជាពលរដ្ឋទាំងនោះបានមកតាំងលំនៅដោយបំពាន។
លោក គាត ត្រេង ប្រធានក្រុមទី១៦បានអោយដឹងថា លោកមិនសូវបានដឹងរឿងនេះច្បាស់ទេ។
តែលោកបន្តថា ឃើញប្រជាជនរស់នៅទីនេះជាច្រើនឆ្នាំមកហើយ។
លោក ឈិត សូផាត ចៅសង្កាត់លេខ១ មិនអាចសុំបញ្ជាក់ករណីនេះបានទេព្រោះទូរសព្ទ័ចូលច្រើនដងតែគ្មានអ្នកទទួល។
រីឯលោក មិន មួន ប្រធានភូមិបាលក្រុងព្រះសីហនុបញ្ជាក់តាមទូរសព្ទ័ថា
លោកកំពុងជាប់សិក្ខាសាលា សូមសួរទៅលោក នួន ប៉ុក ប្រធានមន្ទីរ ដនសស វិញច្បាស់ជាង។
ចំណែក លោក នួន ប៉ុក ប្រធានមន្ទីរ ដនសស ខេត្តព្រះសីហនុ ក៏មិនអាចសុំការបញ្ជាក់អំពីស្ថានភាពបណ្ណ័កម្មសិទ្ធដីធ្លី របស់ លោកស្រី សម រ៉ាវី នៅមទីតាំងតំបន់ក្បាលឆាយនេះបានដែរដោយលោកថា កំពុងជាប់ប្រជុំ។
ដោយឡែក ឯឧ យន្ត មីន អភិបាលខេត្តព្រះសីហនុ បញ្ជាក់ថា៖ពេលនេះលោកកំពុងជាប់មានរវល់បន្តិចមិនទាន់អាចបញ្ជាក់បានទេ។លោកថានិងពិនិត្យមើលរឿងនេះ។
គួរបញ្ជាក់ពីដើមដីរបស់លោកស្រី សម រ៉ាវី នៅឯចំណុចទីតាំងវិទ្យុឆ្នេរសមុទ្រទេប៉ុន្តែក្រោយមកក៏មានការដោះដូរដីរបស់គាត់មកចំណុចមុខតំបន់ប្រតិបត្តិការសឹករងខេត្តនេះវិញ។
បន្ទាប់ពីនោះមកទំនាស់ជាមួយប្រជាពលរដ្ឋក៏ចេះតែកើតមានជាបន្តបន្ទាប់រហូតដល់សព្វថ្ងៃនេះ៕
