ខេង ឧត្តម
សៀមរាប៖ យុវជនម្នាក់ស្លាប់ ក្បែងរង្វង់មូល៦០ម៉ែត្រ ពលរដ្ឋថាជារឿងករណីឃាតកម្ម ហេតុការនេះ បានកើតឡើកាលពី វេលាម៉ោង១៣និង៣០នាទីរសៀល ថ្ងៃទី២៩ ខែតុលា ឆ្នាំ២០១៦ ខាងលិច កន្លែងលក់សំបុត្រភ្ញៀងទេសចរ ស្ថិតក្នុងក្រុមទី០៩ ភូមិបឹងដូនប៉ា សង្កាត់ស្លក្រាម
ក្រុងសៀមរាប។លោកអនុសេនីយ៍ត្រី ធឹម រិទ្ធា នាយរងប៉ុស្តិ៍ជនរងស្លក្រាម បានដឹងពី ពលរដ្ឋ ដែលឃើញហេតុការនោះថា ឃើញជនរងគ្រោះ កំពុងបើកម៉ូតូ តាមបណ្តោយផ្លូវខាងជើង រង្វង់មូល៦០មែត្រ ម៉ាក់ហុងដាសេរីឆ្នាំ២០១៤ ខណៈពេលនោះជនបង្កបើកម៉តូ ម៉ាក់ហុងដាសេរីឆ្នាំ២០១៦ ស្របទិសគ្នា ក៍ធាក់ទៅលើជនរងគ្រោះ បណ្តាលឲ្យខ្ទាតទៅប៉ះនិងប្រអប់ បង្គោលភ្លើងស្លាប់ភ្លាមៗតែម្តង ចំណែកជនបង្ក បានបើកម៉ូតូគេចខ្លួនបាត់ស្រម៉ោង ។
លោកអនុសេនីយ៍ត្រី ធឹម រិទ្ធា នាយរងប៉ុស្តិ៍ជនរងស្លក្រាម បានឲ្យដឹងថាជនរងគ្រោះ មានឈ្មោះ អាង រ៉ាត់ ភេទប្រុស អាយុ២៣ មុខរបរជាកម្មករ ស្រុកកំណើត ភូមិចុងឃ្នាស សង្កាត់សៀមរាប ក្រុងនិងខេត្តសៀមរាប ទីលំនៅបច្ចុប្បន្ន ភូមិទ្រាំង សង្កាត់ស្លក្រាម ក្រុងនិងខេត្តសៀមរាប។ លោកបន្តថា បច្ចុប្បន្ន សមត្ថកិច្ច កំពុងស្រាវជ្រាវ រកជនបង្ក ចំណែកសព ប្រគល់ឲ្យក្រុមគ្រួសារ ធ្វើបុណ្យតាមប្រពៃណី ៕
