កំពត៖ នៅថ្ងៃទី០១ខែវិច្ឆិកាឆ្នាំ ២០១៦នេះគឺជាថ្ងៃ បើកបវេសនកាលឆ្នាំសិក្សា២០១៦-២០១៧ ដែល នៅគ្រប់សាលារៀនរដ្ឋ គ្រប់កម្រិតសិក្សាក្នុង ទូទាំងប្រទេសកម្ពុជា
យើងតែងតែបានធ្វើពិធីនេះជាសាកល។ដោយឡែកឆ្នាំនេះក៍ដូចគ្មុនៗដែរ ត្រូវបានក្រសួងអប់រំយុវជននិងកីឡា បានរៀបចំ បើក ជានិមិត្តរូប ក្រោមអធិបតីភាព ឯ.ឧបណ្ឌិត ហង់-ជួនណារ៉ុន រដ្ឋមន្ត្រី ក្រសួងអប់រំយុវជននិងកីឡា ដែលពីធីនេះប្រព្រឹត្តិទៅ នៅវិទ្យាល័យ ព្រះរាជសម្ភារ ក្រុងកំពត ខេត្តកំពត
នៅក្នុងឱកាសនៃពិធីនេះ ដែរក៏មានវត្តមានអញ្ជើញចូលរួម ជាអធិបតី ពីឯ.ឧចាន់-ចេស្ដាអភិបាលនៃគណៈអភិបាលខេត្ត ព្រមទាំងពីសំណាក់ ថ្នាក់ដឹកនាំ ក្រសួងអប់រំយុវជននិងកីឡា តំណាង ស្ថាប័ន ពាក់ព័ន្ធ បុគ្គិលិកអប់រំថ្នាក់ជាតិ និងថ្នាក់ក្រោមជាតិ អាជ្ញាធរដែនដី និងដៃគូរអភិវឌ្ឍន៍ពាក់ពាក់ព័ន្ធ បុគ្គិលិក សិក្សា លោកគ្រូអ្នកគ្រូ សិស្សានុសិស្ស សរុបប្រមាណចំនួន ១៧០០នាក់។
ឯ.ឧ. បណ្ឌិត ហង់ ជួនណារ៉ុង រដ្ឋមន្ត្រី ក្រសួងអប់រំយុវជននិងកីឡា មានប្រសាសន៍ នៅក្នុងអង្គ ពិធីថា ការរៀបចំបើក បវេសនកាលនេះ គឺជាការបើកទំព័រឆ្នាំ សិក្សា២០១៦ -២០១៧ ដែលជាការបង្ហាញ ពីការប្ដេជ្ញា ក្នុងការលើកកម្ពស់ គុណភាពអប់រំនៅកម្ពុជា ដែលជាអាទិភាពរបស់រដ្ឋាភិបាលកម្ពុជា តាមរយៈការផ្ដល់ការលើកទឹកចិត្ត និងការផ្ដល់ភាពកក់ក្តៅ ដល់សិស្សានុសិស្ស និស្សិត ដែលជាកុលបុត្រកុលធីតា ជាទីស្រឡាញ់ របស់យើងគ្រប់ៗគ្នា ឯ.ឧ, រដ្ឋមន្ត្រី ក៏បានបន្តទៀតថា ការសិក្សាទៅថ្នាក់ខ្ពស់បន្ត និងជាថ្ងៃផ្ដើមជីវិតសិក្សាដំបូង របស់ កុមារ ដែលទើបនឹងដល់ អាយុត្រូវចុះឈ្មោះចូលសាលារៀន។
ទន្ទឹមនឹងនេះ ការរៀបចំកម្មវិធីនេះ ក៏ជាការអំពាវនាវ ដល់មាតាបិតា អាណាព្យាបាល សិស្ស និស្សិត និងអាជ្ញាធរដែនដីគ្រប់លំដាប់ថ្នាក់ ត្រូវជួយសម្របសម្រួល និងផ្ដល់លទ្ធភាព ដល់ពួកគាត់ឲ្យបានចូលរៀន និងបាន រៀនចប់តាមកម្រិតថ្នាក់ ចប់សិក្សាប្រកបដោយគុណភាព និងប្រសិទ្ធភាពខ្ពស់ ឲ្យសមនឹងពាក្យថា«ចំណេះវិជ្ជា ជាទ្រព្យគាប់ប្រសើរ»៕
