កំពង់ស្ពឺ៖ ចោរលួច ០៣នាក់ត្រូវបានកម្លាំងកងរាជអាវុធហត្ថមូលដ្ឋានស្រុកសំរោងទង ឃាត់ខ្លួនតាំងពីថ្ងៃទី២៨ ខែតុលា ឆ្នាំ២០១៦ នៅចំណុចភូមិតាំងតាឡាត់ ឃុំព្នាយ ស្រុក
សំរោងទង ខេត្តកំពង់ស្ពឺដែលជាមុខសញ្ញាលួចម៉ូតូ ។ក្រោយការសាកសួរទើបដឹងថាជាមុខសញ្ញាលួចយកទៅបញ្ចាំឲ្យអ្នកផ្សេង ជនសង្សយ័មានគ្នាចំនួន០៣នាក់មានឈ្មោះ ដូច
ខាងក្រោម៖១-ឈ្មោះ សួង វ៉ាន់ថាភេទប្រុសអាយុ២០ ឆ្នាំ មុខរបរមិនពិតប្រាកដ មានទីលំនៅភូមិរលាំងសង្កែ សង្កាត់សុព័រទេព ក្រុងច្បារមន ខេត្តកំពង់ស្ពឺ២-ឈ្មោះ អ៊ូច សុខអាណន់ ភេទប្រុស អាយុ២០ ឆ្នាំ មុខរបរមិនពិតប្រាកដមានទីលំនៅភូមិក្រាំងពលទេព សង្កាត់រកាធំក្រុងច្បារមន ខេត្តកំពង់ស្ពឺ ៣-ឈ្មោះ ងួន មេត្តា ភេទប្រុសអាយុ ២០ឆ្នាំ មុខរបរមិនពិតប្រាកដ មានទីលំនៅភូមិចំការដូង ឃុំវល្លីស ស្រុកសំរោងទងខេត្តកំពង់ស្ពឺ បានលួចម៉ូតូ០១ គ្រឿង ម៉ាក C125 ពណ៏ខ្មៅសេរី2012 ពាក់
ស្លាកលេខ1Aប៉ៃលិន8269របសជនរងគ្រោះឈ្មោះ អ៊ុក វឿន ភេទប្រុសអាយុ៤៩ ឆ្នាំ មុខរបរធ្វើស្រែ មានទីលំនៅភូមិឃុំកើតហេតុខាងលើក្រោយពីជនសង្ស័យធ្វើសកម្មភាពរួចបានមកលាក់ខ្លួននៅផ្ទះជួលនៅភូមិក្រាំងពលទេព សង្កាត់រកាធំ ក្រុងច្បារមន ខេត្តកំពង់ស្ពឺ ។ លោកឧត្តមសេនីយ៏ត្រី ជូ សារុន មេបញ្ជាការកងរាជអាវុធហត្ថខេត្តកំពង់ស្ពឺបានឲ្យដឹងថាតាមចម្លើយសារភាពរបស់បក្សពួកកម្លាំងសរុបក្រោមបញ្ជារផ្ទាល់របស់លោកនៅ វេលារសៀលម៉ោង ១៤ និង០០នាទីនាទី ថ្ងៃទី៣១ ខែតុលា ឆ្នាំ២០១៦ មានការអនុញ្ញាតិពីលោក កែវ សុធា ព្រះរាជអាជ្ញា អមសាលា
ដំបូងខេត្តកំពង់ស្ពឺ នឹងដឹកនាំកម្លាំងដោយលោក វរសេនីយ៏ឯក ចាន់ ដា មេបញ្ជាការ រង ជានាយសេនាធិការ បានឆែកឆេរផ្ទះជួលខាងលើក៏បានឃាត់ខ្លួនជនសង្ស័យចំនួន០៣ នាក់ ខាងលើ ចំណែកវត្ថុតាងម៉ូតូ ជនសង្ស័យបានយកទៅលក់អោយអ្នកផ្សេង បន្សល់ទុកតែស្លាកលេខម៉ូតូ ។បច្ចុប្បន្ន កំពុងតែស្រាវជ្រាវបន្តក្នុងការឆែកឆេរ ផ្ទះជួលខាងលើនោះ កម្លាំងអាវុធហត្ថបានឃាត់ខ្លួនជនសង្ស័យបានចំនួន០៣នាក់បន្ថែមទៀតករណីសេពគ្រឿងញៀនមានឈ្មោះដូចខាងក្រោម៖
១-ឈ្មោះ យិន រដ្ឋា ភេទប្រុសអាយុ១៧ ឆ្នាំ មុខរបរមិនពិត
ប្រាកដ មានទីលំនៅភូមិផ្សារចាស់ សង្កាត់ស្វាយក្រវ៉ាន់ក្រុង
ច្បារមន ខេត្តកំពង់ស្ពឺ២-ឈ្មោះ សយ សីហា ភេទប្រុស១៥ ឆ្នាំ មុខរបរ មិនពិតប្រាកដ មានទីលំនៅភូមិថ្មី សង្កាត់ច្បារមន ក្រុងច្បារមនខេត្តកំពង់ស្ពឺ៣-ឈ្មោះ មុន្នី សុផានុត ភេទប្រុស អាយុ២០ ឆ្នាំ មុខរបរមិនពិតប្រាកដ មានទីលំនៅភូមិបូរីកម្មករ សង្កាត់រកាធំក្រុងច្បារមន ខេត្តកំពង់ស្ពឺក្នុងនោះដកហូតសម្ភារះរួមមាន៖ដែកកេះ ០៦ ទូយោ០២ ជញ្ជីងផ្លឹង០១ ក្រដាស់០១ដុំ ដាវ ០១ ថង់ច្រកថ្នាំញៀន២៥០ ថង់ ។
បច្ចុប្បន្ន ជនសង្ស័យទាំងអស់រួម ទាំងវត្ថុតាង នឹងសម្ភារះ
បាននាំយកមកទីបញ្ជាការដ្ឋានកងរាអាវុធហត្ថខេត្តកំពង់ស្ពឺដើម្បីកសាងសំណុំរឿងចាត់ការទៅតាមនីតិវិធី ៕
