ខេត្តរតនគិរី៖ ជនសង្ស័យម្នាក់ជាមុខសញ្ញាចែកចាយថ្នាំញៀនត្រូវបានសមត្ថកិច្ចនគរបាលស្រុកវើុនសៃឃាត់ខ្លួនកាលពីវេលាម៉ោង៩និង២៩នាទីព្រឹកថ្ងៃទី២៤ ខែធ្នូ ឆ្នាំ២០១៦។យោងតាមរបាយការណ៍ពីអធិការដ្ឋាននគរបាលស្រុកវើុនសៃបានឲ្យដឹងថា មុខសញ្ញ ចែកចាយថ្នាំញៀន១នាក់ នៅចំណុចផ្លូវចូលដឹកដីខ្សាច់ភូមិប៉ុង ឃុំប៉ុង ស្រុកវើុន សៃ ជនសង្ស័យឈ្មោះសូម ឡូន ភេទប្រុស អាយុ ៣៨ឆ្នាំ ជនជាតិទំពួនមុខរបរ ធ្វើចំការមានទីលំនៅបច្ចុប្បន្ន ភូមិវ៉ង ឃុំកាចូន ស្រុកវើុនសៃ ខេត្តរតនគិរី ។
បានដកហូតសម្ភារ: ដែលជាវត្ថុតាងរួមមាន: ម្សៅក្រាមពណ៍ស ចំនួន០២កញ្ចប់តូច សង្ស័យជាសារធាតុញៀននឹងប្រដាប់សំរាប់ប្រើប្រាស់ថ្នាំញៀនមួយចំនួន ។បច្ចុប្បន្នកម្លាំងជំនាញនៃអធិការដ្ឋានកំពុងបំពេញសំណុំរឿង ដើម្បីបញ្ជូនទៅអយ្យការអមសាលាដំបូងខេត្តរតនគិរី ចាត់ការតាមនិតិវិធីច្បាប់ ៕ដោយ: យក្ខឡោម
