សៀមរាប៖ នគរបាលព្រហ្មទណ្ឌកំរិតស្រាលសហការណ៍ប៉ុស្តិ៍នគរបាលសង្កាត់ស្រង៉ែ ក្រុងសៀមរាប ខេត្តសៀមរាប ប្រតិបត្តការបង្ក្រាបនេះ ធ្វើឡើងវេលាម៉ោង៩និង៣០នាទីព្រឹកនាថ្ងៃទី២៧ ខែមិនា ឆ្នាំ២០១៧ និងចាប់ខ្លួនបាន ជនសង្ស័យប្រុសស្រីចំនួន៤នាក់២នាក់ស្ត្រី។
លោកវរសេនីយ៍ទោ ហង្ស សូផាតភីរម្យ ប្រធានការិយាល័យព្រហ្មទណ្ឌកំរិតស្រាលបានឲ្យដឹងថា ដោយក្រោមការបញ្ជាពីលោកវរសេនីយ៍ឯក ភឹង ចិន្តារ៉េត ស្នងការរងនិងជាប្រធានផែននគរបាលព្រហ្មទណ្ឌ។សហការណ៍ជាមួយការិយាល័យប្រឆាំងគ្រឿងញៀន និង ប៉ុស្តិ៍នគរបាលសង្កាត់ស្រង៉ែ។លោកបន្តថាជនសង្ស័យទាំង៤នាក់នោះ ទី១ឈ្មោះជា ស៊ីណាត ហៅ ឡុត ភេទប្រុសអាយុ១៩ឆ្នាំ ទីលំនៅភូមិជ្រកល ឃុំខ្នាត ស្រុកពួក ខេត្តសៀមរាប ទី២ហេង ហុង ភេទប្រុស២២ឆ្នាំ ទី៣ឈ្មោះ លី ម៉ី អាយុ២០ឆ្នាំ ទី៤ឈ្មោះ ស៊ីម ពុទ្ធាវី ហៅ ដាលីន អាយុ២០ឆ្នាំទីលំនៅភូមិកន្ត្រក សង្កាត់ស្វាយដង្គំ ក្រុងនិងខេត្តសៀមរាប ករណីចាត់ចែង សំរួលអោយប្រើប្រាស់ដោយខុសច្បាប់ នូវសារធាតុញៀន ព្រមទាំងដកហូតវត្ថុតាងមួយចំនួនផង ស្ថិតនៅចំនុចបន្ទប់ជួល ក្នុងភូមិស្រង៉ែ សង្កាត់ស្រង៉ែ ក្រុងសៀម ខេត្ត សៀមរាប បច្ចុប្បន្ន សមត្ថិច្ចកំពុងរៀបចំ នីតិវិធីដើម្បីបញ្ជូនទៅតុលាកាតាមផ្លូវច្បាប់៕ ខេង ឧត្តម
