កំពត៖ កាលពី រសៀលថ្ងៃទី២៧ខែ មីនាឆ្នាំ២០១៧នៅសាលាស្រុកទឹកឈូខេត្តកំពត មានធ្វើ ពិធីប្រកាស ចូលកាន់មុខតំណែងអភិបាលរង នៃគណៈអភិបាលស្រុកក្រោមអធិបតីភាពឯ-ឧ ចាន់-ចេស្ដាអភិបាលនៃគណៈភិបាលខេត្ត ។
អង្គពិធីបន្ទាប់ពីលោកនាក់ សុវណ្ណារីអភិបាលនៃគណៈអភិបាលស្រុក បានធ្វើរបាយណ៍ឲ្យដឹងអំពីស្ថានភាពការងាររីកចម្រើន ទូទៅនៅក្នុងស្រុករួចមក។
យោងតាមប្រកាសរបស់ ប្រសួងមហាផ្ទៃ ស្ដីពីការតែងតាំង មន្ត្រីរាជការ គឺត្រូវបានសម្រេច តែងតាំងលោកអ៉ឹម ច័ន្ទសោធនឋានន្តរស័ក្តិអនុមន្ត្រីថ្នាក់លេខ៣ ឲ្យកាន់មុខតំណែង ជាអភិបាលរងស្រុកទឹកឈូនៃខេត្តកំពត។
មានប្រសាសន៍សំណេះសំណាល ឯ.ឧ ចាន់-ចេស្ដា បានកោតសរសើរ ចំពោះអាជ្ញាធរមូលដ្ឋានគ្រប់លំដាប់ថ្នាក់ កងកម្លំាងប្រដាប់អាវុធ មន្ត្រីរាជការក្នុងស្រុកទឹកឈូនៃខេត្តកំពត ដែលតែងតែបានសហការគ្នាល្អក្នុងការកសាង អភិវឌ្ឍន៍ ព្រមទាំងថែរក្សា ការពារ សន្តិសុខ សណ្ដាប់ធ្នាប់របៀបរៀបរយសង្គមនិងបម្រើសេវា សាធារណៈជូនប្រជាពលរដ្ឋ នៅក្នុង មូលដ្ឋាន បានយ៉ាងល្អប្រសើរ។
ឯកឧត្តមអភិបាលខេត្ត ក៏បានក្រើនរំលឹកផ្ដាំផ្ញើដល់អាជ្ញាធរមូលដ្ឋានកងកម្លាំងប្រដាប់អាវុធមន្រ្តីរាជការ ពិសេស លោក អ៉ឹម ច័ន្ទសោធនដែលទើបប្រកាសចូលកាន់តំណែងថ្មី ត្រូវខិតខំសកម្មបន្ថែមទៀត បន្តយកចិត្តទុកដាក់សហការដើម្បី កសាងអភិវឌ្ឍន៍មូលដ្ឋាន ហើយត្រូវគប្បី ខិតខំយកចិត្តទុកដាក់បន្តក្នុងការ ដោះស្រាយនូវរាល់បញ្ហាសំណូមពរនិង ធ្វើអោយជីវភាពរស់នៅប្រកបដោយសុខសាន្តជូនប្រជាពលរដ្ឋ ។សំដៅបង្កើនការជឿទុកចិត្តពីសំណាក់ប្រជាពលរដ្ឋមកលើរាជរដ្ឋាភិបាលក្រោមការដឹកនាំរបស់សម្ដេចតេជោហ៊ុនសែននាយករដ្ឋមន្ត្រីនៃព្រះរាជាណាចក្រ ។
ពិសេសចាប់ពីនេះតទៅត្រូវបង្កើនការយកចិត្តទុកដាក់ការពារសន្តិសុខសណ្ដាប់ធ្នាប់ នៅក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ក៏ដូច ក្នុងពេលយុទ្ធនាការឃោសនារបស់ គណក្សនយោបាយក៏ដូចនៅក្នុងឱកាសដំណើរការបោះឆ្នោតរើសក្រុមប្រឹក្សាឃុំ សង្កាត់នាពេលខាងមុខឆាប់ៗនេះឈានចូលមកដល់ ៕
