សមយុទ្ធរបស់ណាតូ មួយថ្ងៃក្រោយពេលដែលអង្គការ ណាតូចាប់ផ្ដើមធ្វើសមយុទ្ធទ្រង់ទ្រាយធំ របស់ខ្លួននៅជាប់ប្រទេសរុស្ស៊ីនៅថ្ងៃទី ១០ ខែមិថុនា រុស្ស៊ីក៏បានធ្វើសមយុទ្ធ ទ្រង់ទ្រាយធំជាការតបតនឹងសកម្មភាព របស់ណាតូក្រោមការគ្រប់គ្រងរបស់ កងទ័ពប្រចាំភូមិភាគខាងលិច ។
សារព័ត៌មាន រៀនូវូស្ទីរបស់រុស្ស៊ី បានដកស្រង់សម្ដីរដ្ឋមន្ដ្រីក្រសួងការពារ ជាតិរុស្ស៊ីបញ្ជាក់ថា ការធ្វើសមយុទ្ធនា ពេលនេះមានការចូលរួមពីកម្លាំងឈរ ជើងនៅតំបន់បាល់ទិក កម្លាំងទាហាន ឆត្រយាង យន្ដហោះទម្លាក់គ្រាប់ SU- 34 យន្ដហោះចម្បាំង Mi-24 យន្ដហោះ ទម្លាក់គ្រាប់យុទ្ធសាស្ដ្រ Tu-22 m 3 ។ សមយុទ្ធនោះធ្វើឡើងនៅតំបន់កាលីនីន ក្រាប ក្រោមការត្រួតពិនិត្យរបស់មេ បញ្ជាការកងទ័ពប្រចាំភាគខាងលិច។ ការធ្វើសមយុទ្ធដែលមានខ្លឹមសារ សហ ប្រតិបត្ដិការ ការពារបន្ទាត់ព្រំដែនរុស្ស៊ី ទាំងដែនទឹក ដែនគោក និងដែនអាកាស រុករក និងកម្ទេចនាវាមុជទឹកសត្រូវ ។
យន្ដហោះដឹកជញ្ជូនយោធានឹងដឹក ជញ្ជូនក្រុមឆត្រយោងវាយលុកលោត ឆត្រយោងទៅលើដែនគោក ។ ចំណែក កម្លាំងទាហានជើងទឹកប្រចាំនៅតំបន់ សមុទ្របាល់ទិក និងវាយឡើងលោក បណ្ដេញសត្រូវឱ្យដកថយចេញពីទឹកដី រុស្ស៊ី ។ យន្ដហោះទម្លាក់គ្រាប់ Su 34, MI 24, TU22 M 3 ជួយអន្ដរាគមន៍ យាមល្បាតនៅដែនសមុទ្របាល់ទិក ។ ចំំណុចដែលគួរឱ្យចាប់អារម្មណ៍គឺ ការធ្វើសមយុទ្ធស្របពេលដែលណាតូ ក៏ បានចាប់ផ្ដើមធ្វើសមយុទ្ធទ្រង់ទ្រាយធំ នៅជាប់ព្រំដែនប្រទេសរុស្ស៊ី ។ រដ្ឋាភិ បាលទីក្រុងមូស្គូបានចាត់ទុកថា ការធ្វើ សមយុទ្ធរបស់ណាតូជាសកម្មភាពឌឺដង ហើយរុស្ស៊ីត្រូវតែមានវិធានការតបត វិញធ្វើឱ្យមានតុល្យភាពយោធាក្នុង តំបន់នេះ ។
រដ្ឋលេខាធិការក្រសួងការបរទេស រុស្ស៊ី លោកវ្ល៉ាឌីមឺ ទីតូ បានប្រកាសថា “យើងមិនអាចអង្គុយនៅស្ងៀមមើល សកម្មភាពយោធារបស់បណ្ដាប្រទេស ក្នុងតំបន់មកលើប្រទេសរុស្ស៊ី ។ ទីក្រុង មូស្គូនឹងប្រើគ្រប់វិធីសាស្ដ្រក្នុងការការ ពារសន្ដិសុខ ស្ថិរភាពរបស់រុស្ស៊ី” ។
