លោកតាវ័យចំណាស់ កាលពីថ្ងៃទី៩ ខែមិថុនា ឆ្នាំ២០១៤ សៀវភៅកំណត់ត្រាប្លែកៗពិភពលោក (Guinness Book of World Records) បានផ្សព្វផ្សាយថា បុរសវ័យចំណាស់ បំផុតក្នុងពិភពលោក ដែលមកពីប៉ូឡូញ រស់នៅជាជនអន្ដោប្រវេសន៍ក្នុងទឹកដី អាមេរិក ហើយដែលមានអាយុ១១១ឆ្នាំ នោះបានទទួលមរណភាព ស្ថិតនៅក្នុង ផ្ទះរបស់គាត់ ក្នុងទីក្រុងញូវយ៉កដោយ រោគចាស់ជរា ។ ប្រភពបន្ដថា លោកតា Alexander Imich បានទទួលមរណភាពកាលពីព្រឹក ព្រលឹមថ្ងៃអាទិត្យ នៅក្នុងនិវេសដ្ឋាន ទី ដែលលោកតាបានរស់នៅតាំងពីឆ្នាំ ១៩៨៦រៀងរហូតមក ។
លោកតាមាន អាយុគ្រប់១១១ឆ្នាំ នៅថ្ងៃទី៤ ខែកុម្ភៈ ។ Guinness Book បានបញ្ជាក់ថា អ្នក ដែលស្នងត្រូវស្នងលោកតាAlexander Imich ដែលជាមនុស្សមានវ័យចំណាស់ បំផុតក្នុងលោកនោះ បានទៅលើលោក តា Sakari Momoi នៅប្រទេសជប៉ុន។ លោកតា Sakari Momoi មានអាយុ ១១១ឆ្នាំដែរ ប៉ុន្ដែគាត់កើតក្រោយលោក តា Alexander Imich មួយថ្ងៃ ។ ថ្លែងនៅក្នុងបទសម្ភាសន៍ជាមួយ ប្រភពព័ត៌មាន កាលពីនៅមានជីវិត លោកតាAlexander Imich បានបញ្ជាក់ ថា ការរស់នៅរបស់គាត់គឺឧស្សាហ៍ ហាត់ប្រាណជាប្រចាំ, ទទួលទានដោយ ការប្រុងប្រយ័ត្ន និងមិនទទួលទានជាតិ អាកុល ។ លោកតា Alexander Imich ពុំមានកូននោះទេ ហើយលោកយាយ របស់គាត់បានទទួលមរណភាពកាលពី ឆ្នាំ១៩៨៦មកម្ល៉េះ ។ កាសែត New York Times បាន ផ្សព្វផ្សាយថា សពលោកតា Alexander Imich ត្រូវបានរក្សាទុកដើម្បីស្រាវជ្រាវ ផ្នែកវេជ្ជសាស្ដ្រ ។
