ខេត្តកំពង់ធំៈ គោយន្តកន្ត្រៃ៣គ្រឿង ដឹកឈើហុបចេញពី ព្រៃសហគមន៍ យ៉ាងអាណាធិបតេយ្យ ពុំត្រូវបាន សមត្ថកិច្ចមេព្រៃមានវិធានការបង្ក្រាប បង្ករអោយមានការ ដឹកជាហូរហែរ ដោយមិនញញើតច្បាប់សូម្បីតែបន្តិច។ជាក់ស្តែង បទល្មើសដឹកឈើហ៊ុប ចំនួន ៣គ្រឿង ត្រូវបានអ្នកសារពត៌មាន ឃាត់ដើម្បីឲ្យមេព្រៃសង្កាត់រដ្ឋបាលព្រៃឈើសណ្តាន់ មកនាំយកទៅរក្សាទុក ខណៈពេលដែលក្រុមឈ្មួញកំពុងធ្វើសកម្មភាពដឹកឈើនៅលើផ្លូវលំមួយខ្សែ នៅថ្ងៃទី១៥ខែកុម្ភៈឆ្នាំ២០១៤ ត្រង់ចំនុចអូរតាសៅ ភូមិត្បូងទឹក ឃុំមានរិទ្ធស្រុកសណ្តាន់ ខេត្តកំពង់ធំ់។ យោងតាមសំដីរបស់ម្ចាស់
គោយន្តកន្ត្រៃដឹកឈើហុបទាំងបីគ្រឿងនោះបានឲ្យដឹងថា ឈើហុបប្រភេទឈើទាលខាងលើនេះបានដឹកចេញពីតំបន់ព្រៃសហគមន៏ឈ្មោះព្រៃក្បាលអូរក្រញ៉ាក ស្ថិតក្នុងភូមិសាស្ត្រសង្កាត់រដ្ឋបាលព្រៃឈើទំរីង នឹងផ្នែករដ្ឋបាលព្រៃឈើសណ្តាន់ ហើយមុននឹងចេញពីព្រៃសហគមន៏នោះបានលុះត្រាតែបង់លុយ៤ម៉ឺនទៅ៥ម៉ឺនរៀលក្នុង១គោយន្ត អោយទៅមន្ត្រីសង្កាត់
សណ្តាន់ ។ លោក សរ យាប់ ប្រធានសហគមន៏ ដែលរាជរដ្ឋាភិបាលបាន ទុកចិត្តតែងតាំងអោយធ្វើជា អ្នកការពារ និងអភិរក្សព្រៃឈើ តែបែរជាក្លាយទៅជា អ្នកបំផ្លាញព្រៃឈើ បើកដៃឃុបឃិត ជាមួយមេព្រៃ រត់ការបង់លុយ ក្នុងមួយគោយន្ត ៤ម៉ឺនរៀល ហើយអះអាងថា យកលុយសម្រាប់ចាក់សាំងការពារព្រៃឈើទៅវិញ ។ លោកតិបញាតានាយខ័ណ្ឌរដ្ឋបាល
ព្រៃឈើកំពង់ធំ បានបញ្ជាផ្ទាល់ឲ្យមន្ត្រីក្រោមឪវាទចុះទៅចាប់បទល្មើសខាងលើនេះភ្លាមៗតែម្តងនៅនឹងកន្លែងកើតហេតុ បន្ទាប់ពីបានទទួល សេចក្តីរាយការណ៍ថាមានបទល្មើសខាងលើនិងបានរឹបអូសយកវត្ថុតាងទាំងអស់ខាងលើនោះទៅកាន់សង្កាត់រដ្ឋបាលព្រៃឈើសណ្តាន់។ ប្រជាពលរដ្ឋនៅខេត្តកំពង់ធំ បានរិះគន់ទៅលើលោក ឃឹម ប៉ាន់ នាយអធិការស្តីទី
រដ្ឋបាលព្រៃឈើ ខាងជើងបឹងទន្លេសាប បច្ចុប្បន្នបទលើសព្រៃឈើ មាននៅគ្រប់ទីកន្លែង ក្នុងខេត្តកំពង់ធំ មិនដែលឃើញលោក បង្ហាញស្នារដៃ ក្នុងការបង្ក្រាបម្តងណាឡើយ ជាហេតុធ្វើឲ្យមានការសង្ស័យថា ប្រហែលជាលោក ឃឹម ប៉ាន់ ដាក់មន្ត្រីរដ្ឋបាល ព្រៃឈើ តាមបណ្តាសង្កាត់ ផ្នែក គ្រាន់តែជាការ គៀងគ លាភស្ការៈចូលហៅប៉ៅទេដឹង បានជាការដឹកជញ្ជូនបទល្មើស ទាំងតាមដងថ្នល់ជាតិ និងតាមព្រៃឈើ មានសកម្មភាពកាន់តែ កើនឡើង ។ ដោយ វរៈជ័យ 
