ខេត្តតាកែវ ៖ នៅថ្ងៃទី១៧ ខែតុលា ឆ្នាំ២០១៧ វេលាម៉ោង១១ និង៥០នាទី កម្លាំងជំនាញអធិការដ្ឋាននគរបាលស្រុកត្រាំកក់ ឃាត់ខ្លួនជនសង្ស័យ០២នាក់ ពាក់ព័ន្ធករណីប្រើប្រាស់ និងរក្សាទុកនៅសារធាតុញៀនខុសច្បាប់ ០១ករណី នៅចំណុចផ្លូវលំចូលភូមិព្រៃស្រោង ឃុំអង្គតាសោម ស្រុកត្រាំកក់ ។ ជនសង្ស័យទាំង០២នាក់ខាងលើមានឈ្មោះ សយ សំ ភេទ ប្រុស អាយុ២០ឆ្នាំ រស់នៅភូមិ អង្គបក្សី ឃុំ ជាងទង ស្រុកត្រាំកក់ (មុខសញ្ញាប្រើប្រាស់)
និងឈ្មោះ ភុន ដាវីត ភេទប្រុស អាយុ២១ឆ្នាំ រស់នៅភូមិ ឃុំ ជាមួយគ្នា(មុខសញ្ញាប្រើប្រាស់) រីឯបក្សពួកម្នាក់ទៀតមានឈ្មោះ ពៅ រស្មី ភេទ ប្រុស អាយុ២២ឆ្នាំរស់នៅភូមិ ឃុំជាមួយគ្មា បានរត់គេចខ្លួនបាត់ពេលសមត្ថកិច្ចចុះបង្រ្កាប ។ ក្រោយពេលឃាត់ខ្លួន សមត្ថកិច្ចបានដកហូតវត្ថុតាងរួមមានៈ ម៉ូតូ01០១រឿងម៉ាកនិច ពណ៌ ស ផ្លាក លេខ ភ្នំពេញ1GM-2807 ម៉្សៅក្រាមពណ៌ ស ចំនួន០១កញ្ចប់តូច កាបូបដៃចំនួន០២ប្រាក់រៀល ២០០០រៀល អត្តសញ្ញាណប័ណ្ណគំរូចាស់មួយសន្លឹក របស់ឈ្មោះ ពៅ រស្មី ។ បច្ចុប្បន្ន ជនសង្ស័យ និងវត្ថុតាង កម្លាំងជំនាញកំពុងកសាងសុំណុំរឿងតាមនិតីវីធី ។
