តាកែវ ÷ បុរសពីរនាក់បានស្លាប់ភ្លាមៗនៅនិងកន្លែងកេីតហេតុ បន្ទាប់ពីជួបគ្រោះថ្នាក់ចរាចណ៍ដែលបង្កឡើងដោយម៉ូតូនិងម៉ូតូកាលពីព្រលប់ថ្ងៃទី២៦ ខែតុលា ឆ្នាំ២០១៧ ស្ថិតនៅភូមិជ្រោយ ព្រះបាទជាន់ជុំ ស្រុកគិរីវង់ ខេត្តតាកែវ។
តាមការឲ្យដឹងពីប៉ូលិសិ៍្តស្រុកដែលចុះដល់កន្លែងកើតហេតុបានប្រាប់ថា នៅថ្ងៃទី២៦ ខែតុលា ឆ្នាំ២០១៧ មានករណីគ្រោះថ្នាក់ចរាចរណ៍មួយកើតឡើងនៅចំណុចភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវ តាមដងផ្លូវលេខ១២៨ ចន្លោះគីឡូម៉ែត្រលេខ០៤-០៥ រវាងម៉ូតូនិងម៉ូតូបេីកបរបញ្ច្រាសទិសគ្នាពីលិចទៅកើត ។
សមត្ថកិច្ចបានបន្តថា អ្នកបើកម៉ូតូទី១ឈ្មោះ ដា ភេទប្រុស អាយុ២២ឆ្នាំ ទីលំនៅខេត្តព្រះសីហនុ មិនបានពាក់ម៉ូកសុវត្ថិភាព ស្លាប់នៅកន្លែងកើតហេតុ ជិះម៉ូតូម៉ាកCBR150CCគ្មានស្លាកលេខ ។
អ្នកបើកបរម៉ូតូទី២ឈ្មោះ ពេញ ដាវី ភេទប្រុស អាយុ ១៨ឆ្នាំ ទីលំនៅភូមិត្រពាំងស្រង់ ឃុំព្រះបាទជាន់ជុំ ស្រុកគិរីវង់ ខេត្តតាកែវ មុខរបរសិស្ស មិនពាក់ម៉ូកសុវត្ថិភាព បានស្លាប់នៅនិងកន្លែងកើតហេតុ បេីកបរម៉ូតូម៉ាក Wave C100 គ្មានស្លាកលេខ ។
ក្រោយកេីតហេតុម៉ូតូទាំងពីរគ្រឿងត្រូវបានយកមករក្សាទុកនៅអធិការដ្ឋាននគរបាលស្រុកគិរីវង់ដេីម្បីបំពេញសំណុំរឿងតាមនីតិវិធីចំណែកសពជនរងគ្រោះទាំងពីរបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
