ឯកឧត្តម យន្ត មីន អភិបាលខេត្តព្រះសីហនុ អំពាវនាវមន្ត្រីរាជការ ប្រជាពលរដ្ឋ ចូលរួមគោរពច្បាប់ចរាចរណ៍អោយបានខ្ជាប់ខ្ជួនដៀម្បីសុវត្ថិភាពផ្ទាល់ខ្លួន។
ឯកឧត្តម យន្ត មីន អភិបាលខេត្តព្រះសីហនុនិងជាប្រធាន អនុគណៈកម្មការសុវត្ថិភាពចរាចរណ៍ផ្លូគោកខេត្ត ក្នុងឱកាសនៃពិធីបើកយុទ្ធនាការរឹតបន្តឹងការអនុវត្តច្បាប់ចរាចរណ៍ផ្លូវគោក នាព្រឹកថ្ងៃទី៣០ ខែតុលា ឆ្នាំ២០១៧ នេះ បានអំពាវនាវឲ្យគ្រប់អ្នកបើកបរទាំងអស់ត្រូវចូលរួមគោរពច្បាប់ចរាចរណ៍ទាំងអស់គ្នា ដើម្បីសុវត្ថិភាពផ្ទាល់ខ្លួន ។
ឯកឧត្តមបញ្ជាក់បន្ថែមថា៖ សូមមន្ត្រីរាជការទាំងអស់ត្រូវតែធ្វើជាគំរូឈានមុខគេក្នុងការបើកបរ ជាពិសេសការប្រើប្រាស់មួកសុវត្ថិភាពឲ្យបានត្រឹមត្រូវ និងសូមឲ្យប្រជាពលរដ្ឋទាំងអស់អនុវត្តឲ្យបានត្រឹមត្រូវគ្រប់ពេលវេលានូវច្បាប់ចរាចរណ៍ផ្លូវគោកថ្មី ដើម្បីកាត់បន្ថយបាននូវអត្រាគ្រោះថ្នាក់ចរាចរណ៍ និងគ្រោះថ្នាក់ដល់អាយុជីវិត ។
ក្នុងយុទ្ធនាការនេះក៍បានចែកមួកសុវត្ថិភាពជូនប្រជាពលរដ្ឋដែលបើកបរពុំមានមួកសុវត្ថិភាព រួមជាមួយការ អប់រំ ណែនាំអំពីច្បាប់ចរាចរណ៍ផ្លូវគោកពីមន្ត្រីជំនាញផងដែរ៕
