ខេត្តតាកែវ ៖ ជនសង្ស័យម្នាក់ត្រូវបានកម្លាំងអធិការដ្ឋាននគរបាលស្រុកទ្រាំងឃាត់ខ្លួនក្រោយពីធ្វើសកម្មភាពចូលលួចមាសនៅក្នុងភូមិកកោះ ឃុំខ្វាវ ស្រុកទ្រាំង តាកែវ កាលពីថ្ងៃទី១៣ខែវិច្ឆិកាឆ្នាំ២០១៧ ។
អធិការរងស្រុកទ្រាំង លោក ប៊ិច វណ្ណាបានប្រាប់អោយដឹងថាជនសង្ស័យមាន ឈ្មោះ ឆាន សំណាង ហៅក្តឹប ភេទប្រុស អាយុ១៧ឆ្នាំ រស់នៅភូមិកកោះ ឃុំខ្វាវ ស្រុកទ្រាំង តាកែវ មានមុខរបរសិស្ស បានធ្វើសកម្មភាពលួចចូលទៅក្នុងផ្ទះរបស់ជនរងគ្រោះឈ្មោះ សាន់ ហុីង ភេទស្រី អាយុ៥០ឆ្នាំ រស់នៅភូមិឃុំជាមួយគ្នា មានមុខរបរកសិករ ដោយជនសង្ស័យបានឡើងតាមដំបូលចង្ក្រានបាយរួចចូលតាមបង្អួចយកកន្រ្តៃនៅក្នុងផ្ទះគាស់ហឹបយកខ្សែកនឹងខ្សែដៃមាសទម្ងន់ចំនួន០៤ជី នឹងប្រាក់រៀលចំនួន៥០មុីនរៀល ។ លោក ប៊ិច វណ្ណា បានបន្តថា ក្រោយពីទទួលបានព័ត៌មានភ្លាម នៅវេលាម៉ោង១៩.៥៥នាទី ថ្ងៃខែឆ្នាំដដែល កម្លាំងជំនាញបានចុះឃាត់ខ្លួនជនសង្ស័យ នឹងដកហូតវត្ថុតាងខ្សែកនឹងខ្សែដៃមាសបានមកវិញ ។ បច្ចុប្បន្ន ជនសង្ស័យជំនាញកំពុងកសាងសំណុំរឿងតាមនិតិវិធី រីឯទ្រព្យសម្បត្តិដែលជនសង្ស័យលួចបានកម្លាំងជំនាញប្រគល់អោយទៅជនរងគ្រោះវិញ ។ 
