ខេត្តព្រះសីហនុ៖ជនទំនេីង៣នាក់ ព្រួតវាយប្រហារ បុរសម្នាក់បណ្តាលឲ្យស្លាប់ពេលបញ្ជូនទៅមន្ទីរពេទ្យ។
នៅវេលាម៉ោង២២: ៣០នាទីយប់ ថ្ងៃទី១៦ខែវិច្ឆិកាឆ្នាំ២០១៧ កន្លងទៅនេះ មានអំពេីហិង្សាមួយកើតឡើង បង្កដោយជនទំនេីង៣នាក់ បានប្រេីកាំបិត ពូថៅ ព្រួតវាយប្រហារ ទៅលេីជនរងគ្រោះម្នាក់ បណ្តាលឲ្យរងរបួសធ្ងន់ ក្រោយមកបានស្លាប់ ពេលដែលបញ្ជូនមកសង្គ្រោះនៅមន្ទីរពេទ្យបង្អែកខេត្តព្រះសីហនុ។
រឿងហេតុនេះ បានកើតឡើងនៅភូមិបត់សិរមាន់ ឃុំព្រៃនប់ ស្រុកព្រៃនប់។
តាមប្រភពថាមូលហេតុនាំអោយមានអំពើហិង្សាបែបនេះដោយសារតែជនរងគ្រោះ និងជនសង្សយ័ធ្លាប់មានជម្លោះប៉ះទង្គិចពាក្យសម្តីនឹងគ្នា។
ក្រោយពេលទទួលបានព័ត៌មាននេះភ្លាម កម្លាំងប្រចាំបញ្ជា និងកងអន្តរាគមន៍ពិសេស នៃអធិការដ្ឋាននគរបាលស្រុកព្រៃនប់ បានចេញធ្វេីអន្តរាគមន៍ភ្លាមៗ ហើយបានរុករក ចាប់ឃាត់ខ្លួនជនសង្សយ័បានចំនួន៣នាក់ នៅវេលាម៉ោង១:៤០ នាទី រំលងអាធ្រាត្រឈានចូលថ្ងៃទី១៧ ខែវិច្ឆិកា៖
១.ឈ្មោះ សួន ចន្ឋូ ភេទប្រុស អាយុ ១៧ឆ្នាំ មុខរបរកម្មករធ្វើនំបញ្ជុក។
២.ឈ្មោះ ពិន ភក្រ័ ភេទប្រុស អាយុ ២៦ ឆ្នាំ មុខរបរកម្មករសំណង់។
៣.ឈ្មោះ ប្រុស សុភា ភេទប្រុស អាយុ២៧ ឆ្នាំ មុខរបរកម្មករសំណង់។
ជនសង្សយ័ទាំង៣ មានទីលំនៅដូចគ្នា នៅភូមិបត់សិរមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ។ ពេលចាប់ខ្លួនសមត្ថកិច្ចបានរុករកដកហូតអាវុធជាវត្ថុតាងមាន៖ ចបជីក១,ពូថៅ១, និងចបកាប់១។
ចំណែកជនរងគ្រោះឈ្មោះអោម សៅ ភេទប្រុស អាយុ១៩ ឆ្នាំ មុខរបរកម្មករសំណង់មានទីលំនៅដូចកន្លែងកើតហេតុ របួសធ្ងន់ ក្រោយមកបានស្លាប់តាមផ្លូវពេលបញ្ជូនទៅមន្ទីរពេទ្យបង្អែកខេត្តខេត្តព្រះសីហនុ ។
សពជនរងគ្រោះ ក្រុមគ្រួសារកំពុងចាត់ចែងធ្វើបុណ្យ។
ជនសង្ស័យទាំង៣ សមត្ថកិច្ចកំពុងសាកសួរ កសាងសំណុំរឿងតាមនីតិវិធីនិងគ្រោងបញ្ជូនទៅសាលាដំបូងខេត្ត ដើម្បីចាត់ការតាមច្បាប់។អត្ថបទ៖ នគរបាល
