ខេត្តព្រះសីហនុ៖អាជ្ញាធរ មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋខេត្តព្រះសីហនុ ធ្វើចលនាសំអាតអនាម័យបរិស្ថាន ក្នុងថ្ងៃនៃទិវាអនាម័យបរិស្ថានជាតិ ២៣ វិច្ឆិកា ២០១៧។
ក្នុងថ្ងៃនៃទិវាអនាម័យបរិស្ថានជាតិ ២៣ វិច្ឆិកា ឆ្នាំ២០១៧ អាជ្ញាធរខេត្ត-ក្រុង មន្ត្រីរាជការ កងកម្លាំងប្រដាប់អាវុធ សិស្ស និសិ្សត និងប្រជាពលរដ្ឋខេត្តព្រះសីហនុ រួមគ្នាធ្វើចលនាសំអាតអនាម័យបរិស្ថានក្នុងក្រុង ដើម្បីផ្សព្វផ្សាយអប់រំដល់សាធារណៈជនទូទៅនូវការកែប្រែឥរិយាបថ និងទម្លាប់នៃការរស់នៅប្រចាំថ្ងៃឱ្យមានការគិតគូរពីបញ្ហាបរិស្ថាន ជាពិសេសធ្វើយ៉ាងណា ត្រូវចេះទុកដាក់ វេចខ្ចប់ និងចោលសំរាមឱ្យបានត្រឹមត្រូវ។
ទិវាអនាម័យបរិស្ថានជាតិ ២៣ វិច្ឆិកានាឆ្នាំនេះ សម្រាប់ខេត្តព្រះសីហនុ ប្រព្រឹត្តទៅដោយមានការចូលរួមពីសំណាក់ឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ មន្ត្រីរាជការមកពីបណ្តាមន្ទីរ អង្គភាពនានា កងនគរបាល កម្លាំងអាវុធហត្ថខេត្ត សិស្ស និស្សិត និងប្រជាពលរដ្ឋសរុបប្រមាណ ១០០០នាក់។
ឯឧ យន្ត មីន បន្តអំពាវនាវសាជាថ្មីទៀតអោយពលរដ្ឋទាំងអស់គ្នាត្រូវចូលរួមថែក្សាបរិស្ថាន អនាម័យអោយបាលល្អប្រសើរនិងត្រូវកែប្រែទំលាប់អាក្រក់បោះសំរាមចោលផ្តេផ្តាសនាំអោយប៉ះពាល់សោភណ្ឌភាពទីក្រុងទេសចរណ៍ដ៏ប្រណិតរបស់យើង៕
