ខេត្តរតនគិរី៖ នគរបាលឃាត់ខ្លួនយុវជនម្នាក់ ពាក់ព័ន្ធករណីប៉ុនប៉ងលួចមិនបានសម្រេច កាលពីវេលាម៉ោង១ រំលងអាធ្រាត្រឈានចូលថ្ងៃទី២៩ ខែវិច្ឆិកា ឆ្នាំ២០១៧នេះ នៅចំណុចផ្ទះឈ្មោះ ង៉ែត វ៉ាន់ឌី ស្ថិតនៅភូមិដីឡូតិ៍ ឃុំជ័យឧត្តម ស្រុកលំផាត់។
មន្ត្រីនគរបាលស្រុកលំផាត់បានឲ្យដឹងថា ជនរងគ្រោះឈ្មោះ ង៉ែត វ៉ាន់ឌី ភេទប្រុសអាយុ៤០ឆ្នាំជនជាតិខ្មែរ រស់នៅភូមិឃុំកើតហេតុខាងលើ។
មន្ត្រីដដែលបានបន្តថា ជនសង្ស័យឈ្មោះ សារឿន ច្រូច ភេទប្រុសអាយុ២១ឆ្នាំ ជនជាតិខ្មែរ រស់នៅភូមិសាមខា ឃុំជ័យឧត្តម ស្រុកលំផាត់ ខេត្តរតនគិរី។
មន្ត្រីដដែលបានបន្ថែមទៀតថា អំពីអង្គហេតុ: នៅវេលាម៉ោង១ រំលងអាធ្រាត្រថ្ងៃទី២៩ ខែវិច្ឆិកានេះ ឈ្មោះ ច្រូច បានឈប់ម៉ូតូ រួចដើរចូលទៅដល់ចំណុចក្បែរម៉ូតូក្នុងផ្ទះរបស់ជនរងគ្រោះ ពេលនោះជនរងគ្រោះមានការភ្ញាក់ផ្អើលឡើង រួចចុចពិលមើលឃើញ ឈ្មោះ ច្រូច បានរត់ចេញ តែជនរងគ្រោះបានស្រែកគំរាមថា ឈប់កុំរត់ បើរត់ទៀតអញ់នឹងបាញ់ឯង ខណៈនោះទើបជនសង្ស័យឈប់ហើយម្ចាស់ផ្ទះចាប់ខ្លួនជនសង្ស័យបាន បន្ទាប់មក ខលហៅសមត្ថកិច្ចទៅទទួលយកជនសង្ស័យភ្លាមៗផងដែរ។
បច្ចុប្បន្នសមត្ថកិច្ចឃាត់ខ្លួនជនសង្ស័យជាបណ្ដោះអាសន្ននៅអធិការដ្ឋាននគរបាលស្រុកលំផាត់ដើម្បីសាកសួរនឹងកសាងសំណុំរឿងបញ្ជូនទៅសាលាដំបូងខេត្តចាត់ការបន្តតាមនីតិវិធីច្បាប់ ។ យក្ខឡោម
