សៀមរាប៖ប្រតិបត្តិការណ៍ចុះបង្ក្រាបនិងចាប់ឃាត់ខ្លួនជនជាតិវៀតណាមភេទប្រុសចំនួន២នាក់នេះដែលបានធ្វើសកម្មភាពរក្សាទុកដឹកជញ្ជូននិងជួញដូរដោយខុសច្បាប់នូវសំណាកសត្វព្រៃ ជិតផុតពូជ ( ភ្លុកដំរី ចំនួន ៧៩,៥០ គីឡូក្រាម )ត្រូវបានលោក ជួន សុបញ្ញា ព្រះរាជអាជ្ញារង សាលាដំបូងខេត្តសៀមរាប បានដឹកនាំកម្លាំងនគរបាលប្រឆាំងបទល្មើសនៃស្នងការដ្ឋាននគរបាលខេត្តសៀមរាបដែលមានលោកវរសេនីយ៍ឯក អ៊ុំ អមរា ស្នងការរងនិងជាប្រធានការិយាល័យកណ្តាលនគរបាលប្រឆាំងបទល្មើសនៃស្នងការដ្ឋាននគរបាលខេត្តសៀមរាបបានសហការណ៍ជាមួយកម្លាំងគយនិងរដ្ឋាករច្រកទ្វា
អាកាសយាន្តដ្ឋានអន្តរជាតិសៀមរាបនិងខណ្ឌរដ្ឋបាលព្រៃឈើសៀមរាបក៏ដូចជាជំនាញដែលពាក់ព័ន្ធកាលពីវេលាម៉ោង៩និង២០នាទីយប់រហូតដល់ម៉ោង២រំលងអាធ្រាតឈានចូលថ្ងៃទី១៧ខែកុម្ភះឆ្នាំ២០១៤នេះធ្វើការត្រួតពិនិត្យនិងឆែកឆេរនៅក្នុងវ៉ាល់លីចំនួន៣របស់ជនសង្ស័យជាជនជាតិវៀតណាមទាំង២នាក់នេះដោយបានឃើញជនសង្ស័យបានយក
សំណាកសត្វព្រៃ ជិតផុតពូជ ( ភ្លុកដំរី ចំនួន ៧៩,៥០ គីឡូក្រាម )បានលាក់ទុកក្នុងវ៉ាល់លីទើបសមត្ថកិច្ចបានធ្វើការចាប់ឃាត់ខ្លួនបានទាន់ពេលវេលាតែម្តងរួចយកមកកាន់ការិយាល័យជំនាញដើម្បីធ្វើការសួរនាំ ។សមត្ថកិច្ចបានឲ្យដឹងថាបន្ទាប់ពីបានធ្វើការសួរនាំចំពោះជនជាតិវៀតណាមទាំង២នាក់នេះជាប់ពាក់ព័ន្ធជុំវិញបញ្ហាទាំងអស់ខាងលើហើយនោះ
ពួកគេបានឆ្លើយសារភាពថានៅក្នុងថ្ងៃកើតហេតុនេះគឺពួកគេទាំង២នាក់បានធ្វើដំណើរតាមជើងហោះពីប្រទេសកូរ៉េមកកាន់ព្រលានយន្តហោះអន្តរជាតិសៀមរាបដោយបានលួចលាក់នូវសំណាកសត្វព្រៃ ជិតផុតពូជ ( ភ្លុកដំរី ចំនួន ៧៩,៥០ គីឡូក្រាម )ក្នុងវ៉ាល់លីទាំង៣នេះដែលពួកគេបាននាំចូលមកពីប្រទេសអង្គកូឡានៃទ្វីបអាហ្វ្រិចក្នុងគោលបំណងដើម្បី
យកទៅលក់បន្តនៅប្រទេសវៀតណាមនិងប្រទេសចិនតាមផ្លូវគោកវិញម្តងដើម្បីបំភាន់ភ្នែកសមត្ថកិច្ចលុះមកដល់ព្រលានយន្តហោះអន្តរជាតិសៀមរាបក៏ត្រូវបានសមត្ថកិច្ចជំនាញធ្វើចាប់ឃាត់ខ្លួនព្រមទាំងវត្ថុតាងទាំងអស់នេះបានតែម្តង ។ បច្ចុប្បន្នជនសង្ស័យជាជនជាតិវៀតណាមភេទប្រុសចំនួន២នាក់នេះដែលបានធ្វើសកម្មភាពរក្សាទុកដឹកជញ្ជូននិង
ជួញដូរដោយខុសច្បាប់នូវសំណាកសត្វព្រៃ ជិតផុតពូជ ( ភ្លុកដំរី ចំនួន ៧៩,៥០ គីឡូក្រាម )តាមជើងហោះហើរពីប្រទេស កូរ៉េ មកកាន់ព្រលានយន្តហោះអន្តរជាតិសៀមរាបរូបនេះត្រូវបានសមត្ថកិច្ចកំពុងតែចំណាត់ការទៅតាមនិតិវិធីបន្ត៕ អត្ថបទដោយ លោក ខេង ខេមរា រូបភាព លោក ម៉ែន បូរិទ្ធ 
