ប្រធានាធិបតីហ្វីលីពីន លោក បេន និកណូ អាគីណូ នឹងបំពេញទស្សនកិច្ចទៅ កាន់ប្រទេសជប៉ុននៅសបា្ដហ៍ក្រោយដើម្បី ពិភាក្សាពីអធិបេតយ្យភាពដែនសមុទ្រ ជាមួយចិន ដោយសារតែជប៉ុននិងហ្វីលី ពីនមានវិវាទដូចគ្នា ។ លោកបេននិកណូ អាគីណូ នឹងជួប ពិភាក្សាជាមួយនាយករដ្ឋមន្ដ្រីជប៉ុនលោក ស៊ីនហ្សូ អាបេ នៅថ្ងៃទី២៤ មិថុនា ខាង មុខនេះ ដើម្បីពង្រឹងទំនាក់ទំនងមិត្ដភាព ប្រទេសទាំង២ ក្នុងពេលដែលប្រឈមមុខ តានតឹងកាន់តែខ្លាំងឡើងជាមួយចិនជុំវិញ វិវាទអធិបតេយ្យភាព ។ អ្នកនាំពាក្យប្រធានាធិបតីហ្វីលីពីន បានប្រកាសឱ្យដឹងថា ការប្រឈមមុខ តានតឹងជាមួយចិន ជាប្រធានបទសំខាន់ នៅក្នុងកិច្ចពិភាក្សារវាងប្រមុខដឹកនាំ ហ្វីលីពីននឹងជប៉ុន ។
លើសពីនេះទៅទៀត មេដឹកនាំប្រទេសទាំង២ ក៏បានបង្កើន ទំនាក់ទំនងយុទ្ធសាស្ដ្រដើម្បីការពាររាល់ ការគំរាមកំហែងណាមួយពីសត្រូវ ។ នៅពេលនាយករដ្ឋមន្ដ្រីជប៉ុនស៊ីនហ្សូ អាបេ ទស្សនកិច្ចទីក្រុងម៉ានីលកាលពីខែ កក្កដា ២០១៣ លោកបានសន្យាជួយ បង្កើនសមត្ថភាពការពារដល់កម្លាំង ទាហានជើងទឹកហ្វីលីពីន ។ នៅពេល បំពេញទស្សនកិច្ចនោះ នាយករដ្ឋមន្ដ្រី ជប៉ុនបានសន្យាផ្ដល់នាវាយាមល្បាត១០ គ្រឿងជួយពង្រឹងសមត្ថភាពយាមល្បាត ដល់ឆ្មាំសមុទ្រក្នុងពេលដែលចិនបង្កើន វត្ដមានក្នុងតំបន់ដែលមានវិវាទ\
