ខ្សែប្រយុទ្ធ Alvaro Negredo (អាល់វ៉ារ៉ូ ណេក្រេដូ) បានសម្រេចចិត្តចាកចេញពីក្រុម Manchester City នៅរដូវក្តៅនេះហើយវិលត្រឡប់ទៅលេងនៅទឹកដីប្រទេសអេស្ប៉ាញវិញជាមួយ នឹងក្លិបជើងឯក La Liga គឺ Atletico Madrid ។ Negredo មិនសូវជាបានចូលលេងជាជម្រើស
១១នាក់ដំបូងទេសម្រាប់ក្រុម Man City ថ្វីបើរូបគេស៊ុតបញ្ចូលទីបាន២៣គ្រាប់ក្នុងការបង្ហាញខ្លួននៅរដូវកាលដំបូងនៅទឹកដី Etihad Stadium ក៏ដោយជាហេតុធ្វើឲ្យមានសារព័ត៌មានជាច្រើនបានចុះផ្សាយថា កីឡាករវ័យ២៨ឆ្នាំរូបនេះនឹងវិលទៅលេងនៅស្រុកកំណើតរបស់ខ្លួនវិញ ។
នេះជាដំណឹងល្អមួយសម្រាប់ក្រុម Atletico Madrid បន្ទាប់ពីពួកគេបានលក់កីឡាករ Diego Costa ទៅឲ្យ Chelsea ។ ទោះបីជាយ៉ាងណាក៏ដោយ Man City បានដាក់តម្លៃខ្លួនរបស់ Negredo ប្រមាណ២០លានផោនបើសិនជា Atletico Madrid ចង់បានរូបគេ ៕
