ភ្នំពេញៈ មេឧក្រិដ្ឋជនព្រៃឈើ លោក ហូវ ជីវ៉ៃ មានឈ្មោះល្បីក្នុងខេត្តរតនៈគិរី បានកំពុងតែធ្វើសកម្មភាព កាប់បំផ្លាញព្រៃឈើយ៉ាងគគ្លើន ដោយមិនញញើតការព្រមានរបសសម្តេចក្រឡាហោម ស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ ដែលបាន ព្រមានធ្ងន់ៗទាក់ទងនឹងការកាប់បំផ្លាញព្រៃឈើ តែផ្ទុយទៅវិញឈ្មួញឈើម្នាក់នេះ គ្មានអ្វីធំជាងលុយនោះទេ សម្តេចស្រែកនៅតែឯភ្នំពេញ ចំណែកឈ្មួញនៅតែធ្វើ ឈើក៏នៅតែកាប់ ។
តាមប្រភពព័ត៌មាន បានឲ្យដឹងថា សកម្មភាពរបស់លោក ហ៊ូវជីវ៉ៃ កាប់អាព្រៃយ៉ាងសកម្មនេះ ក៏ដោយសារតែបានអំណាចពី លោកថង សាវុន ចៅហ្វាយខេត្តរតនគីរី បើកដៃដែរ ទើបអាចធ្វើសកម្មភាពរលូន រួមទាំងបានបន្តកាប់បំផ្លាញព្រៃ សហគមន៍ជនជាតិភាគតិច និងកន្លងមក សម្តេតេជោ ហ៊ុន សែន ធ្លាប់ដាក់វិធានការក្តៅទៅលើមន្រ្តី អាជ្ញាធរ និងអង្គភាពជំនាញឲ្យរួមសហការគ្នា ទប់ស្កាត់ការពារ និងអភិរក្សព្រៃឈើ ព្រមទាំងបញ្ជារដល់នាយឧត្តមសេនីយ៍សៅ សុខា ចុះបង្រ្កាបបទល្មើសព្រៃឈើទាំងឡាយ នៅរតនគីរីនេះ តែផ្ទុយទៅវិញអភិបាលខេត្ត បរិស្ថាន រដ្ឋបាលព្រៃឈើ ហាក់ដូចជាត្រូវថ្នាំសណ្តំ មិនមានវិធានការបង្រ្កាបជាប្រចាំនោះឡើយ តែផ្ទុយទៅវិញ សកម្មភាពបង្រ្កាបទាំងនេះ ហាក់បីដូចជា វ៉ៃទឹកគៀងត្រីចូលទ្រទៅវិញ ។
មហាជនកំពុងតែមានចំម្ងល់ថា តើអភិបាលខេត្តរខេត្តរតនៈគិរី ក្នុងនាមជាអភិបាល និងជាប្រធានគណបញ្ជាការឯកភាពខេត្តកំពុងតែធ្វើអ្វី ហើយត្រូវជាសាច់ជាឈាមអ្វីជាមួយឧក្រិដ្ឋជន ព្រៃឈើហូវ ជីវ៉ៃ ដែល បានកំពុងតែធ្វើសកម្មភាពកាប់បំផ្លាញព្រៃឈើ ដឹកយ៉ាងរង្វើអស់ផែនដី ហេតុអ្វីបានជាពុំមានការបង្រ្កាប ពីសំណាក់អភិបាលខេត្ត និងបរិស្ថាន មេព្រៃទាំងនេះ ឬក៏យកអនុសាស្ត្ររបស់ថ្នាក់ដឹកនាំជាតិទៅការបំផ្លាញជាតិទៅវិញ។
តាមប្រភពព័ត៌មាន សហគមន៍ភូមិប៉ាបានបញ្ជាក់ថា ការកាប់បំផ្លាញព្រៃឈើរបស់ក្រុមនិងបក្សពួករបស់ ហូវ ជីវ៉ៃ បានធ្វើឡើងនៅចំនុច ភូមិមាលូ ភូមិភិ ឃុំញ៉ាង ស្រុកអណ្តូងមាស និងភូមិប៉ាដល ឃុំសេសាន ស្រុកអូរយ៉ាដាវ ខេត្តរតនគិរី មន្រ្តីបរិស្ថាន ម្នាក់ឈ្មោះ លោក អ៊ូច ឡេង វីរៈជន បាននិយាយឲ្យផុតតែពីមាត់ដោយ គ្មានភាពទទួលខុសត្រូវ បទល្មើសព្រៃឈើមិនអាចទប់ស្កាត់បាន ពីព្រោះ នេះជាមុខរបរដ៏ចម្បងរបស់បុគ្គលមានអំណាចរកស៊ីឈើដុះស្លែ ដែលមានការឃុបឃិតគ្នា ជាប្រព័ន្ធ តាំងពីក្រោម ដល់លើ តាំងពីក្នុងព្រៃរហូតឆ្លងដែន ជាពិសេសឈ្មួញមក ពីវៀតណាម និង ចិន ដែលធ្វើការនាំចេញទៅទីផ្សារអន្តរជាតិ នានា ជាមូលហេតុនៃវិនាសកម្មព្រៃឈើ នៅកម្ពុជា ដែលមិនអាចទប់ស្កាត់បាន។ពាក់ព័ន្ធនឹងសកម្មភាពរកស៊ីឈើខុសច្បាប់នេះ បានបង្កឲ្យមានការមន្ទិលសង្ស័យថាលោក ថង សាវុន និង លោក គឹម រស្មី អាចជាម្ចាស់ភាគហ៊ុនមួយដ៏ធំក្នុងជំនួញឈើខុស ច្បាប់ក្នុងខេត្តរតនគិរី។
មេឈ្មួញដ៏ល្បីឈ្មោះ ណុប វណ្ណះ និងឈ្មោះ ហូ ជីវ៉ៃ ជាមន្ត្រីអាវុធហត្ថ ដែលទំនងមានការបើកដៃពីសំណាក់លោក ថង សាវុន អភិបាលខេត្តនិងលោក គឹម រស្មី មេបញ្ជាការអាវុធហត្ថ ដែលបានកាប់ព្រៃឈើក្នុងឧទ្យានជាតិវិរៈជ័យក្នុងស្រុកតាវែង និងស្រុកសេសាន ព្រៃអភិរក្ស ព្រៃសហគមន៍ក្នុងស្រុកកូនមុំ ស្រុកលំផាត់ ក៍ត្រូវបានមេឈ្មួញដុះស្លែល្បីឈ្មោះ ប្រចាំខេត្តរតនៈគិរីទាំងពីរូបនេះ ចេញមុខកាងឲ្យគេចូលកាប់បំផ្លាញយ៉ាងមហន្តរាយ ដឹកយកទៅលក់នៅព្រំដែនយួនដែរ ដោយមួយចំនួនធំចេញតាមច្រករបៀង និងមួយចំនួនទៀតចេញតាមច្រកទ្វារអន្តរជាតិអូរយ៉ាដាវ។
ដោយ ខេមរា
