កំពង់ធំ៖ ឯកឧត្តម ឃួន សុវណ្ណ និងលោកជំទាវ ទ្រី ណាត បានឧបត្ថម្ភថវិកា២,៧៥០ $សម្រាប់ការសាងសង់អគារប្រចាំ នៅអង្គភាពវរសេនាតូចលេខ១នៃបញ្ជាការដ្ឋានតំបន់ប្រតិបត្តិការសឹករងកំពង់ធំ នៅរសៀលថ្ងៃទី២០ ខែមករា ឆ្នាំ២០១៩ ស្ថិតនៅភូមិតាឡែកថ្មី ឃុំសាលាវិស័យ ស្រុកប្រាសាទបល្ល័ង ខេត្តកំពង់ធំ ។
ឯកឧត្ដម ឧត្ដមសេនីយ៍ត្រី ឃួន សុវណ្ណ នាយករងអធិការកិច្ចអគ្គបញ្ជាការដ្ឋាន កងយោធពលខេមរភូមិន្ទ និងលោកជំទាវ ទ្រី ណាត បានរួមចំណែកក្នុងការកសាងអង្គភាព ក៍ដូចជាជួយក្នងការអភិវឌ្ឍន៍ សង្គមជាតិយើងផងដែរ និងបានឧបត្ថម្ភថវិកា២,៧៥០ $ សម្រាប់ដំបូល និងពិដានអាគារប្រចាំបញ្ជា នៅវរសេនាតូចលេខ១ និងបានប្រគល់ ថវិកាចំនួន១,៣៥០ $ស្មើ៥០%សម្រាប់សាងសង់ អាគារ ដែលមានទំហំ៩ម៉ែត្រx១១ ម៉ែត្រ ក្រោមអធិបតីភាព ឯកឧត្តម ឧត្តមសេនីយ៍ទោ សោម ស៊ុន មេបញ្ជាការរង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំ។
ឧត្តមសេនីយ៍ទោ សោម ស៊ុន បានបញ្ជាក់ថា នេះជាការឆ្លុះបញ្ចាំងឲ្យឃើញ ពីទឹកចិត្តល្អប្រពៃរបស់ថ្នាក់ដឹក នាំ ដែលបានចូលរួមចំណែក កសាងអង្គភាពដើម្បីភាពរីកចម្រើនក្នុងវិស័យកងយោធពលខេមរភូមិន្ទ ដែល កន្លងមកនេះ ឧត្ដមសេនីយ៍ត្រី ឃួន សុវណ្ណ បានជួយការ៉ូចំនួន៣០ កេស ស្មើទឹកប្រាក់ចំនួន៣០០$ សម្រាប់ ក្រាលនៅក្នុងអាគារ និងមកដល់ពេលនេះ ក៏ត្រូវបាន ឯកឧត្តម បន្តឧបត្ថម្ភសាងសង់អាគារជាបណ្តើៗទៀត ផង ព្រមទាំងបានប្រែក្លាយតំបន់ វរសេនាតូចលេខមួយនេះ ដែលកន្លងមកតំបន់នេះ សុទ្ធសឹងតែជាព្រៃ យោធាប្រជុំនៅក្រោមដើមឈើ តែមកដល់ឆ្នាំ ២០១៩ វរសេនាតូចលេខមួយនេះ បានប្រែក្លាយមុខមាត់ថ្មី មានអាគារតូចធំ សាលប្រជុំ ផ្ទះបាយ អាគារប្រចាំបញ្ជារ និងមានសោភ័ណភាពស្រស់បំព្រង ។
ឧត្តមសេនីយ៍ទោ សោម ស៊ុន បានបន្តថា អង្គភាពវរសេនាតូចលេខ១ ទទួលបានការរីកចម្រើន និងក្លាយ ជាវិទ្យាល័យយុទ្ធសាស្រ្តយោធា សម្រាប់យុទ្ធជនជំនាន់ក្រោយ ទទួលបានចំណេះដឹងពីទីនេះ ដោយមានការ គាំទ្រពីសំណាក់ឯកឧត្តមឧត្តមសេនីយ៍ឯក បណ្ឌិត ហ៊ុន ម៉ាណែត ឯកឧត្តម សុខ លូ អភិបាលខេត្តកំពង់ធំ ឯកឧត្តមមេបញ្ជាការយោធភូមិភាគទី៤ រួមទាំងសម្បុរសជនជិតឆ្ងាយ មន្ទីរអង្គភាពជុំវិញខេត្តកំពង់ធំ ចូលរួម គាំទ្រឧបត្ថម្ភវិស័យការពារជាតិ ទើបធ្វើឲ្យមានការីចំរើនមកដល់ពេលនេះ ។
នាយទាហាន នាយទាហានរង និងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ និងអង្គភាពវរសេនាតូចលេខ១ សូមគោរពថ្លែងអំណរគុណដ៍ជ្រាលជ្រៅជាទីបំផុតចំពោះឯកឧត្តម និងលោកជំទាវ សម្បុរជន ដែលបានចំណាយថវិកាដោយទឹកចិត្តសប្បុរសធម៌ជួយដល់កិច្ចការសាងសង់អង្គភាព យើងខ្ញុំទាំងអស់គ្នា សុំប្តេជ្ញាចិត្ត ស្មោះត្រង់ជាតិ សាសនា ព្រះមហាក្សត្រ និងការពាររាជរដ្ឋាភិបាលស្របច្បាប់ រក្សាសន្តិភាពក្រោមការដឹកនាំដោយ សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្រ្តីបន្តទៀត ។ដោយ ប៊ុន រដ្ឋា 
