សៀមរាប= ភ្លើងឆេះកញ្ជ្រាំងឆ្លងពីស្រែមួយទៅស្រែមួយអស់ចំនួន៣០ហិចតា នៅចំណុចខាងត្បូងភូមិ ដូនហុង ឃុំដំដែកស្រុកសូទ្រនិគម ធ្វើអោយមានហានីភ័យយ៉ាងខ្លាំងដល់ប្រជាពលរដ្នដែលមានលំនៅដ្ឋាននៅក្បែរនោះ ហេតុការណ៍នេះបង្កអោយមានការភ្ញាក់ផ្អើលដល់សមត្ថកិច្ចនគរបាល ជួយអន្ដរគមន៍កាលពីវេលាម៉ោង ០៨និង៣០នាទីដល់ម៉ោង០៣និង០១នាទី ថ្ងៃទី២០ ខែមករា ឆ្នាំ ២០១៩ដោយកម្លាំងនិងរថយន្ដពន្លត់អគ្គីភ័យនៃអធិការដ្ឋាននគរបាលស្រុកសូទ្រនិគម បានសហការជាមួយកម្លាំងប៉ុស្ដិ៍នគរបាលរដ្ឋបាល ឃុំ ដំដែកនិងបងប្អូនប្រជាពលរដ្ឋ ចេញធ្វើការពន្លត់ភ្លើងឆេះវាល(ឆេះកញ្ជ្រាំង)បានទាន់ពេលវេលាក្នុងការបង្ការទប់ស្កាត់មិនអោយភ្លើងឆេះរាលដាលមកដល់ផ្ទះប្រជាពលរដ្ឋនោះទេ។
លោក ណុប សារ៉ាត អធិការស្រុកសូទ្រនិគមន៍ បានអោយដឹងថា (មូលហេតុក្មេងដុតគល់)ទើបរាលដាលឆេះកញ្ជ្រាំង លោកបានបញ្ចាកម្លាំងចេញរថយន្តពន្លត់អគ្គីភ័យទៅបង្ការទប់ស្កាត់ខ្លាចឆេះរាលដាលដល់ផ្ទះប្រជាពលរដ្ផ បានបាញ់ទឹកអស់ចំនួន ៤ រថយន្ត ដោយមានកម្លាំងរបស់យើងរួមជាមួយកម្លាំងប្រជាការពារ និង ប្រជាពលរដ្ឋបានពន្លត់ដោយដៃផងរួចរាល់ជាស្ថាពរ៕ប៊ុនរិទ្ធី